A Asociación de Sendeirismo Terras de Lourenzá organizou este domingo día 4 de agosto unha ruta dende a Ponte da Espiñeira ata a Área Recreativa de A Cazolga, duns 12 km de distancia e de dificultade baixa. O día estivo perfecto para camiñar e a ruta permitiu aos sendeiristas desfrutar da natureza no seu estado máis puro xa que todo o percorrido transcorreu por unha fermosa paisaxe ao son do Río Masma. A ruta culminou na Área Recreativa de A Cazolga, onde parte da organización esperaba aos camiñantes cunha cervexa ben fría e con toda a comida a punto para repoñer forzas, todo isto amenizado por un Dj que lle puxo o punto musical á actividade. Rematouse cunha gran queimada e coa maioría dos participantes bailando ao ritmo da música. Foi a primeira ruta deste estilo que organizaba a Asociación de Sendeirismo Terras de Lourenzá, e dende a organización quedamos moi satisfeitos tanto por ver o resultado dun bo traballo como pola participación e colaboración dos amantes do sendeirismo, polo que queremos agradecer e dar as gracias a todos cantos participaron nesta actividade.
Primeira ruta da Asociación de Sendeirismo Terras de Lourenzá
Relacionado
-
A Casa da Cultura acolleu este sábado a entrega de premios do XV certame de fotografía Cervo Respecta
-
Nova concentración de Modepen Ribadeo
-
A Praza da Pulida de Cariño foi escenario este venres da representación da obra ‘Costa da Morte: Cartografía dun naufraxio’, dentro da xira de presentación desta coprodución do Centro Dramático Galego coa creadora Mariña Lestón
Resultaron gañadores na Categoría SUB 15: Los Reversos. Categoría Sénior: Doloringues. Entregaron as medallas os edís Alfredo Fernández e Adrián Arias. As actividades seguen o martes, 8 de xullo, coas Noites de Fútbol Praia.
Prolongarase ata a primeira semana do mes de setembro “co obxectivo de axudar na conciliación familiar e laboral ao longo de todo o verán”, explica a súa directora, Raquel Hermida. A Escola de Minitalentos, dirixida a nenos e nenas con idades comprendidas entre os 3 e os 12 anos, abre de oito da mañá a tres da tarde: “os asistentes poden incorporarse ás actividades e talleres ao longo da mañá”.
Tirando sempre de creatividade e imaxinación, tamén aproveitaron para saír a mercar froita ao Mercado que se celebra cada xoves na Praza dos Campos. Unha forma tamén de fomentar a alimentación saudable e a aprendizaxe activa.
O sábado a partir das 21h espectáculo de narración oral a cargo de Lîlâ Teatro coa obra "Estremonías da Silva" e á súa finalización, música tradicional con Os Carricantos. O domingo, toca sesión vermut da man de José Brea & Miguelón a partir das 13h, para disfrutar dun aperitivo antes do xantar. Como sempre, acompañado das tapas de Galiana e do mellor ambiente.
