A Mariña, 23 de setembro de 2013.- A CIG Ensino da Mariña quer manifestar o seu apoio a aquelas ANPAS dos centros públicos da Mariña que se están a manifestar contra o decreto de comedores aprobado pola Xunta durante este verán e a pesares de estar en contra a maioría da comunidade escolar representada no Consello Escolar de Galiza.
Este decreto carga sobre as precarias economías das familias a obriga de facer fronte ao pago dunha parte importante deste servizo que ata o de agora era gratuíto. A suba supón pagar un 40% máis que o ano pasado e só terán dereito a comedor gratis 14.000 alumnos/as dos 200.000 que cursan o ensino obrigatorio. Pero ademais con esta medida elimínase por primeira vez na etapa democrática un servizo que garantía un dereito fundamental como é o da educación para aquel alumnado transportado. Por este motivo a CIG vai a recorrer este decreto de comedores por vía xudicial. “Imos a gañar esta batalla como gañamos a da lingua, a da revisión médica anual ou a da non discriminación de sexos en centros privados-concertados” asegurou Dores Fernández Abel, secretaria da CIG-Ensino da Mariña.
A CIG Ensino ten que manifestar tamén que este inicio de curso non foi tan cor de rosas como o pintan desde a Consellaría. Aí están as queixas dos directores/as dos centros educativos da Mariña que a semana pasada protestaban polas dificultades no inicio de curso e o abandono por parte da Consellaría de Educación, queixas que compartimos. Despois de levar dúas semanas de clase en Primaria aínda están sen completar os cadros de persoal, atopándonos centros aos que lles faltan os orientadores escolares e en varios centros están aínda sen especialistas de Audición e Linguaxe (AL). Este curso escolar iniciouse con novos recortes de profesorado, máis agrupamentos de alumnado de distintas idades e niveis, máis materias afíns para os especialistas… e en definitiva, cunha política educativa baseada no deterioro continuo do ensino público e o encarecemento do mesmo para a maioría das familias.
Diante desta situación, agravada pola actitude antidemocrática e impositiva da Consellaría, a CIG-Ensino e a Plataforma Galega en Defensa do Ensino Público teñen realizado varias accións reivindicativas e de protesta durante este mes e que rematarán este sábado día 28 de setembro cunha Marcha sobre Santiago desde diferentes puntos do país. O motivo principal e manifestar a oposición a reforma educativa do PP e a todas estas políticas de recortes e repagamentos no ensino público galego. A CIG Ensino convida a toda a veciñanza da Mariña a participar desta “Marcha contra a Lomce” e pola defensa dun ensino público, gratuíto, universal e en galego . Poñeranse autobuses e pódese reservar praza no teléfono 667663083.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
