O Burela FS Pescados Rubén recibiu o venres pasado o galardón de Mellor Club Galego de 2013 na Gala do Fútbol Sala que celebrou a Federación Galega de Fútbol Sala en Lugo. A entidade laranxa acudiu ao acto do Edificio Administrativo da Xunta de Galicia, representada polo fundador de Pescados Rubén SL, Rubén Blanco, o directivo do club Marcelino Luna, as xogadoras de Primera División RFEF Jozi, Paula e Marcela e o preparador físico Pablo Díaz.
Rubén Blanco recolleu a devandita distinción na compaña do alcalde de Burela, José María González Barcia, amosándose orgulloso por “recibir un premio que simboliza a recompensa ao traballo que o club leva realizando durante más de dez anos, con dedicación na formación de base e proxección no fútbol sala de elite”. O fundador de Pescados Rubén, patrocinador principal da entidade burelista, tamén destacou o esforzo e compromiso do club laranxa por seguir mantendo unha sólida estrutura como referencia do fútbol sala galego e español, despois dos grandes triunfos da tempada pasada.
A familia laranxa e os precisamente os éxitos do seu equipo de Primeira División RFEF tamén recibiron outro recoñecemento a semana pasada, coa estrea do documental ‘Non era un soño’. O traballo audiovisual, de Arracada Producións en colaboración con Logaidea Comunicación, proxectouse por primeira vez ante o público o xoves pasado, na casa da cultura de Burela. As/Os protagonistas do histórico dobrete de Liga e Copa 2012-13 puideron rememorar con emoción a súa xesta, xunto a directivos, xogadores e persoal da entidade, autoridades municipais, representantes de empresas patrocinadoras e numerosos afeccionados/as.
Semana Europea da Mobilidade
O fútbol sala laranxa pechou onte a Semana Europea da Mobilidade, organizada polo Concello de Burela, coa xa tradicional actividade ‘Dispara a Gol’. Lidia Mesías, Jozi, Maite, Juanma, Iago Míguez e Carlitos reuníronse na praza do Concello para gozar dunha entretida tarde de fútbol sala cos máis pequenos/as, afinando a súa portería cunha divertida portería xigante como diana.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
