Un novo colectivo teatral, Colectivo Antón Vilar Ponte, vense de constituír en Foz co fin de promover a actividade teatral na vila, un dos poucos núcleos do Concello onde non existe grupo de teatro, pero tamén na perspectiva de que os afeccionados a actividade teatral amador poidan ter un espazo onde desenvolver a súa afección algo que a día de hoxe non era posíbel unha vez que desapareceron os grupos que tiñan a vila como localización.
Segundo explicou o Portavoz do Colectivo, Gonzalo Villarmea, “non é casual que escolleramos como nome da entidade Colectivo Antón Vilar Ponte, posto que Antón Vilar Ponte non só é o gran renovador do teatro galego na primeira década do século XX, o seu grande divulgador, senón que Antón Vilar Ponte mantivo unha reunión permanente coa vila de Foz, na súa condición de veciño, de visitante asiduo e sobre todo, para o que nos interesa, foi nesta localidade onde elaborou a súa obra “A patria do labrego” en 1903 co que se inicia o novo teatro galego, obra que por certo, en palabras do de Viveiro está inspirada no caciquismo que veu e viviu en Foz nas eleccións de 1903. Queremos que fique claro que a elección do nome non é inocente, posto que alén da relación do autor con Foz, estamos diante de toda unha declaración de intencións na dirección de afirmar que tamén en Foz é posíbel facer teatro de vangarda e teatro que poña en valor aos nosos clásicos”.
O Portavoz do Colectivo indicou que “ a curto prazo o noso obxectivo e preparar unha representación teatral e neste sentido facemos un chamamento a todos os veciños e veciñas de Foz que teñan interese en participar como actor ou como actriz na obra de teatro que pretendemos poñer en escea para que se poñan en contacto con nos chamando ao número de telefone 636-03-94-20 tanto a fin de participar con nos na definición da obra teatral a representar como tamén para determinar unha vez escollida a obra determinar o papel máis axeitado á persoa. Pretendemos nesta altura que os afeccionados ao teatro de Foz participen na elección da obra a representar nun primeiro momento e posteriormente na súa escenificación. Agardamos ao fin que o maior número de persoas participen do proxecto, mesmo na perspectiva de poder poñer andar obras diversas en razón da idade e do gusto das persoas que se anoten”.
Xa por último Gonzalo Villarmea afirmou que “o prazo para anotarse para participar na elección e na participación como actor ou actriz na obra a representar sería o 30 de Setembro sendo o número de telefone 636-03-94-20, o número no que a xente interesada debe anotarse sendo totalmente gratuíta a inscrición nesta actividade”.
Estes recitais, protagonizados por músicos da contorna, nunca defraudan. Sen grandes nomes internacionais, pero cunha sensibilidade musical exquisita, ofrecen sempre unha experiencia artística de gran calidade. Por iso, quen asista gozará dunha nova xornada dentro do Programa Adral, que a Xunta de Cofradías promove con tanto entusiasmo.
O Concello destaca a oportunidade que supón para impulsar a hostalaría local e felicita ás persoas galardoadas pola súa contribución á gastronomía asturiana.
Este texto é o froito de varios anos de investigación e convida profesionais da educación, terapeutas e persoas curiosas a descubrir como o traballo coa arxila libera traumas e favorece unha transformación persoal profunda. Ao remate do acto servirase un viño e un pequeno petisco.
A continuación, as persoas que desexen continuar a conversa e compartir un tempo de convivencia poderán anotarse á comida que se celebrará na Casa da Penela.
Pasados dez minutos das 15 horas deste martes, un particular alertou ao 112 Galicia dun coche envorcado fóra da vía en San Martiño de Ferreiros, Pol. Aconteceu no quilómetro 3 da LU-750, e a única persoa implicada permanecía atrapada no interior. De inmediato, desde o Centro Integrado de Atención ás Emerxencias activouse un operativo no que participaron Urxencias Sanitarias de Galicia-061, os Bombeiros de Vilalba, a Garda Civil de Tráfico e os servizos de mantemento da estrada. Os bombeiros actuaron para liberar á persoa, que foi evacuada en ambulancia polos profesionais sanitarios desprazados ata o lugar.
Unha comedia orientada para público infantil escrita e dirixida por Bea Campos. Hora: 18h.
O investigador achegarase a Ribadeo para falar sobre Urraca, considerada por moitos a emperatriz de todos os galegos e galegas. A entidade xa coñece o bo facer de Picallo, pois en anteriores ocasións participou como ilustrador nas presentacións das novelas Ao sur da liberdade e Entre a vontade e o destino, de Xosé Henrique Costas, deixando unha excelente impresión. Nesta ocasión, o público poderá escoitar ao Picallo historiador, que achegará novos datos sobre o reino de Galiza, unha realidade histórica que durante anos permaneceu agochada e que hoxe se recupera grazas a publicacións e investigacións como a súa.
