Cervo, 23 de setembro de 2013-O pleno da corporación do mes de setembro (xoves 26, 20:00 horas) abordará os trámites do Concello de Cervo para solicitar a propiedade da Casa do Mar de San Cibrao. En concreto, o trámite consiste en pedir á Dirección Xeral de Costas a desafectación do dominio público terrestre dos terreos onde se atopa a Casa do Mar e o parque de Reina Sofía, en San Cibrao. Con esta xestión, a administración local pretende facerse coa propiedade do edificio, o que permitiría dispoñer del para un mellor uso e aproveitamento. O traslado do Punto de Atención á Infancia é un dos principais obxectivos, aínda que tamén utilizar as instalacións para ofrecer servizos e actividades.
O alcalde de Cervo, Alfonso Villares, e técnicos do Concello reunírase hai dous meses co subdelegado do Goberno en Lugo, Ramón Carballo así como con representantes do Instituto Social de la Marina, da Tesourería Xeral da Seguridade Social e do Servizo Provincial de Costas. Naquela xuntanza tratouse de buscar unha solución para que o Concello puidese utilizar de forma habitual a Casa do Mar e acordouse que a mellor maneira era solicitando a súa desafectación do dominio público marítimo terrestre.
Un trámite “complexo e lento” tal e como xa anunciara naquel momento o rexedor, pero que “é a única solución definitiva para a Casa do Mar” xa que ao remate do proceso o Concello sería o propietaria do inmoble a través da cesión gratuíta. Despois daquela reunión, a administración cervense comezara a elaborar o expediente para enviar a Costas e desta forma iniciar os trámites canto antes. Así, o paso seguinte é a aprobación da solicitude de desafectación polo pleno, o que permitirá seguir adiante coas xestións.
Villares explicou que a actual situación “retrasa e complica calquera obra ou uso que se lle quere dar á Casa do Mar” e engade que a desafectación sería a única forma de garantir ao Concello a “liberdade para aproveitar ao cen por cen este inmoble de forma que se poidan beneficiar del todos os veciños”.
O mandatario cervense tamén lembrou que a Tesourería Xeral da Seguridade Social lle ofrecera ao Concello pagar un aluguer pola Casa do Mar, opción rexeitada pola administración local porque “supoñía un elevado custo para as arcas municipais e ademais non solucionaba o problema de forma definitiva”. Tamén cabe destacar que a Casa do Mar quedara sen uso no 2008 e dende entón o Concello estivera enviando escritos á Tesourería Xeral da Seguridade Social en Lugo, documentos que nunca chegaran a tramitarse na sede central en Madrid. Foi co cambio de responsables na TXSS no 2012 cando se desbloqueou o proceso.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partirán de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
