Cervo, 19 de setembro de 2013-A Concellería de Educación, que dirixe Pilar Armada, informou hoxe da posta en marcha de novas medidas e actividades incluídas no Plan de Redución do Abandono Escolar. O alcalde de Cervo, Alfonso Villares e a responsable de Educación deron a coñecer hoxe o programa, que inclúe varias iniciativas que buscan implicar ao conxunto de colectivos relacionados coa educación de nenos e mozos, como pais e nais, alumnado e profesorado.
Unha das medidas novidosas é a Escola de Familias, uns obradoiros formativos dirixidos a pais e nais nos que poderán aprender a axudar aos seus fillos no proceso de estudo para acadar o éxito escolar. Con ela preténdese que “pais e nais teñan un papel máis activo na educación dos seus fillos e dispoñan das ferramentas necesarias para facelo” explica a edil. A actividade comezará este luns día 23 e desenvolverase todos os luns e mércores de 12 a 13:30 horas na Casa da Cultura de San Ciprián. A inscrición realizarase o mesmo día da asistencia.
Ademais, Educación ten preparada para o día 26, ás 19:00 horas na Casa da Cultura, a mesa redonda “A importancia da familia na educación dos fillos” na que intervirán persoas relacionadas co ámbito educativo, como son membros do departamento de Orientación do IES Marqués de Sargadelos, mestres de infantil e primaria dos CEIP do municipio e representantes das ANPA dos centros educativos cervenses.
Ao mesmo tempo xa está dispoñible o blog de Educ@cervo http://educacervo.com/ no que periodicamente se publicarán as novidades no ámbito educativo de Cervo e que tamén inclúe outras informacións relacionadas. Un blog dirixido ao alumnado, profesorado e familias.
Tamén é importante lembrar que segue aberta a oficina de información e tramitación de bolsas para estudantes na que se axuda aos usuarios coa documentación e presentación das solicitudes, tanto das bolsas de transporte do Concello, como as convocadas polo Ministerio de Educación. Un servizo que está activo ata o 27 de setembro en horario de 9:00 a 13:30 horas na Casa da Cultura. Tamén se pode solicitar cita previa nos teléfonos 691 656 600 e 666 387 850.
Todas estas iniciativas dan continuidade ás xa iniciadas no verán dentro do Plan de Redución do Abandono Escolar que financia a Consellería de Educación nas cales xa se impartiron obradoiros para a mocidade co obxectivo de motivalos a retomar os seus estudos ou buscar unha saída laboral.
“Agardamos unha boa acollida da comunidade escolar con respecto a estas actividades que programamos pensando na mellora da educación e buscando a implicación de todos” explica Armada, que considera imprescindible que “os nosos fillos reciban formación e educación tanto nos centros como no ámbito familiar”.
Este lume iniciouse ás 14.51 horas do luns e para a súa extinción mobilizáronse, de xeito acumulado, 2 técnicos, 14 axentes, 20 brigadas, 21 motobombas, 1 pa, 5 helicópteros e 7 avións. 
José Luis Teso Celis é o vendedor da ONCE que repartiu estes cartos na localidade mariñá, desde o seu punto de venda situado na Avenida da Mariña, número 46.
Durante a xornada realizarase un mural inspirado na obra Diálogo (1946) de Luís Seoane, que Maruja Seoane levou a tapiz ese mesmo ano. A organización convida a toda a veciñanza a participar con lecturas, conversas, cantos, bailes e un xantar compartido.
O xoves haberá unha gran sardiñada no Campo da Pascua e o venres dedicarase ao Día do Neno con atraccións a prezos populares. A organización corre a cargo da Comisión de Festas de San Xoán de Covas coa colaboración das administracións locais e autonómicas.
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
O festival De Cabo a Cabo, organizado por Fanto Fantini cunha achega provincial de 20.000 €, puxo en valor a diversidade cultural de Burela, onde o 10% da poboación é de orixe caboverdiana. A programación espallouse por varios espazos da vila con música, intervencións artísticas e torneos deportivos, e contou coa presenza de artistas como Baiuca, DJ Danifox, DJ Kandole, Batuko Tabanka, Lilaina ou Saya. A contribución da Deputación permitiu cubrir a infraestrutura técnica e loxística, así como os custos de organización e contratación das actividades.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
