A Mariña, 24 de setembro de 2013. O Colectivo de Emigrantes Retornados da Mariña continua o mércores, 25 de setembro ás 19:00 horas en Ferreira do Valadouro, coa súa campaña informativa sobre o proceso de sancións que a Axencia Tributaría lle está a impor aos emigrantes retornados que cobran pensión de xubilación polo país ao que emigraron e polo Estado español. Neste senso, é necesario destacar que a día de hoxe só unha pequena parte dos emigrantes retornados da Mariña foron multados, con multas que se sitúan nunha contía que rolda entre os 12.000 e os 25.000 euros, sendo maioritario os emigrantes retornados que descoñecen a obrigatoriedade de tributar por este concepto e xa que logo os que saben que se expoñen a unha multa.
O Colectivo de Emigrantes Retornados entende que é necesario actuar en tres frontes, nun primeiro lugar garantindo que aqueles que aínda que non foron requeridos pola Axencia Tributaria poidan regularizar a súa situación o que impediría ter que proceder ao pago da sanción; nun segundo lugar demandamos que o Estado proceda a anular as sancións así como os intereses de demora que lle ven de impor aos emigrantes retornados, xa que aqueles que non pagaron estes impostos foi por descoñecemento das obrigas tributarias e por ausencia de información non por un afán de de defraudar; e xa por último é necesario demandar do Estado unha reforma lexislativa que fixe unha normativa clara que remate coa confusión que fixan os convenios de bilateralidade que marcan regras de xogo distinto en función do Estado de emigración.
Non temos dúbida algunha que atrás desta decisión do Estado español de fixar estas sancións atópase unha vontade recaudatoría que nada ten a ver coa natureza da fiscalidade de redistribuír a renda. Non é de recibo que mentres se proceden a a por en marcha amnistías fiscais para as grandes fortunas que agocharon os cartos no estranxeiro, nos que tivemos que marchar ao estranxeiro posto que o único que nos daba este Estado que hoxe nos multa é fame, sexamos agora tratados como defraudadores e delincuentes. Tampouco é tolerábel esta política que pretende criminalizar a aqueles sectores da sociedade como aconteceu co fraude das preferentes, e agora diante desta nova fraude aprendamos dos preferentistas que o camiño para resolver os nosos problemas é o da mobilización e da loita. Nesta liña é onde sitúa a nova sanción que o Ministerio de Facenda fixa para os emigrantes pola vía do modelo 720 que determina multas de entre 30.000 e 10.000 euros para aqueles emigrantes retornados que tendo bens no estranxeiro que superen en total os 50.000 euros non procederan a facer unha declaración informativa indicando que se é propietario dos mesmos. Neste caso considéranse bens contas, valores, dereitos, seguros, rendas, bens inmóbeis e dereitos sobre bens inmóbeis, entrou en vigor en xaneiro deste ano finalizando o prazo para declarar en marzo de 2013, nos anos anteriores non se declaraba por este concepto, asemade a multa non só afecta a quen non fixese a declaración informativa senón tamén a quen esquecese de incluír algún ben na mesma.
O Colectivo de Emigrantes Retornados da Mariña lamenta que teña que ser un colectivo que nace da sociedade, o que teña que facer esta labor de información sobre a problemática que se está a dar, sen que desde as institucións públicas, a comezar polo Ministerio de Facenda, e os organismos dependentes do mesmo non se proceda a colaborar tanto a hora de informar como sobre todo a hora de regularizar a situación. Así e todo, as persoas afectadas imos seguir a pelexar para dar unha solución a este problema, xunto aos outros colectivos que se están a crear en Galiza, colectivos que na xornada de hoxe imos a constituír unha coordinadora de ámbito galego desde a base que a unión de todos os afectados é a nosa forza e tamén que non estamos dun problema de ámbito comarcal.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
