Burela, 18 de setembro de 2013. O alcalde de Burela, José Mª González Barcia, e a conselleira de Traballo e Benestar, Beatriz Mato, asinaron esta mañá o convenio de colaboración para a construción dunha nova escola infantil na vila. O rexedor dixo que agora comeza un traballo arduo para conseguir esta importante dotación e subliñou que a visita veu ratificar os compromisos que a Xunta ten con Burela e cos seus veciños e veciñas.
O rexedor explicou que “a presenza en Burela hoxe da conselleira de Traballo e Benestar, Beatriz Mato, trouxo unha importante nova para o noso concello como é a firma do convenio de colaboración para a construción dunha nova escola infantil. É unha noticia importante porque a escola infantil actual que temos en Burela ten 120 prazas, que están practicamente cubertas, hai lista de espera e tendo en conta que aumentamos poboación e que é previsible que a lista de espera non baixe o lóxico e normal é que o Concello se preocupe pola posta en marcha dunha nova escola infantil”.
González Barcia dixo que “a partires de agora empeza un traballo arduo para conseguir esta nova e importantísima dotación para o noso concello. Por parte do equipo de goberno que eu presido isto quere dicir que hai unha preocupación clara e notable tanto polos servizos sociais coma polo ensino”.
O alcalde burelés indicou que “a visita da conselleira tamén trouxo consigo a ratificación do compromiso que a Xunta ten, a través da súa consellería, co Concello en materia de formación de persoas desempregadas. Beatriz Mato puido comprobar o funcionamento do centro de formación ocupacional, onde agora mesmo se están a impartir catro cursos, dous deles da rama sanitaria, un de pintor e outro de animador turístico. En total estanse a formar 60 persoas que, por desgraza, están desempregadas. Cando rematen os cursos terán unha titulación homologada e o certificado de profesionalidade que lles facilitará un pouco máis as cousas”.
José Mª González Barcia anunciou que “hoxe mesmo se fixo a selección dos alumnos do obradoiro de emprego Sendas de Burela, Cervo e Xove. En total estamos a falar dun investimento por parte da Xunta de 500.000 euros, dos que 250.000 euros son para os cursos antes indicados e outros 250.000 para ese obradoiro do emprego. Isto é unha aposta decidida da Consellería de Traballo de colaborar co Concello de Burela á hora de formar a persoas que se atopan en situación de desemprego”.
O alcalde de Burela contou que “Beatriz Mato se achegou ao centro de atención temperá, dentro da visita cursada hoxe aquí, xa que está financiado en parte pola súa consellería a través do plan concertado de servizos sociais. O centro atende a nenos e nenas de 0 a 6 anos de toda a comarca con algunha deficiencia. A conselleira de Traballo e Benestar pasou tamén polo centro da Fundación Eu Son para poder comprobar as ensinanzas que alí se imparten, compartir uns minutos tanto cos alumnos coma cos monitores e garantir a continuidade das prazas concertadas co centro”. González Barcia engadiu que “agora mesmo de 25 prazas temos 23 concertadas e todo apunta a que para o ano se poida concertar unha máis, co cal estaríamos xa con todas as prazas concertadas”.
Para o rexedor burelés “tratouse dunha visita interesante da conselleira Beatriz Mato, dun departamento como o de Traballo e Benestar que ten unha implicación e unha aposta directa por parte deste equipo de goberno, como vimos demostrando ano tras ano coa posta en marcha de cursos de formación, obradoiros, etc. E en materia de servizos sociais non se ten levado a cabo ningún tipo de axuste. Estamos máis que satisfeitos desta visita polo que significa de ratificación dos compromisos da Xunta de Galicia, do goberno que preside Alberto Núñez Feijoo, a través da Consellería de Traballo e Benestar. Nesta liña de colaboración institucional, nesta liña de boas e fluídas relacións continuaremos porque o nos que preocupa, tanto á consellería coma a nosoutros, é o benestar e a calidade de vida dos veciños e das veciñas de Burela”.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
