Lourenzá, 21 de setembro de 2013. Neste mes de setembro a charla organizada polo Concello de Lourenzá está dedicada aos problemas de convivencia cos adolescentes. Será impartida pola pedagoga Carolina García Chico o vindeiro xoves, día 26, ás oito da tarde no salón de actos municipal.
A concelleira de Educación e Cultura, Lupe Flórez Seivane, anunciou que “dende o Concello de Lourenzá, dentro da liña de charlas que se veñen levando a cabo con carácter periódico, vimos de organizar unha para este mes de setembro, que será o xoves 26 ás oito da tarde no salón de actos. Nesa ocasión está organizada pola Concellería de Educación e a Oficina Municipal de Información Xuvenil (OMIX) co patrocinio da Dirección Xeral de Xuventude, da Xunta de Galicia”.
Lupe Florez explicou que é unha charla “enfocada a pais e nais de rapaces adolescentes e pre adolescentes, que será levada a cabo por unha asociación chamada Maumarela, do veciño concello de Ribadeo e dedicada especificamente a un espazo de aprendizaxe e creatividade pedagóxica. Nesta ocasión en concreto a persoa que vai impartir a charla participativa será a pedagoga Carolina García Chico, que é unha especialista en intervención familiar. A duración estimada é de dúas horas e tentaremos aclarar aquelas dúbidas que xurdan aos presentes. Ten como título significativo ¡Socorro, teño adolescentes na casa!”.
A edil rematou comentando que “basicamente enfocámola a través de dúas liñas específicas: por unha banda trataremos de dar cabida a aqueles problemas de convivencia e comunicación que xorden entre os pais e nais de fillos adolescentes e aportar unha serie de estratexias de convivencia; e, por outra parte, unha problemática que é tamén das de maior actualidade hoxe en día, que é a establecida pola difusión das redes sociais, que son basicamente as canles a través das que se comunican os adolescentes. Neste senso o segundo apartado da charla irá dedicado aos novos marcos de relación e dentro destes á importancia que teñen as redes sociais no establecemento de relación entre adolescentes e aos controis que os pais e nais poden exercer nestes medios de comunicación que son os escollidos principalmente polos adolescentes para comunicarse e que entrañan unha serie de perigos que moitas veces descoñecen polo que xorden problemáticas polo uso indebido das mesmas”.
Estes recitais, protagonizados por músicos da contorna, nunca defraudan. Sen grandes nomes internacionais, pero cunha sensibilidade musical exquisita, ofrecen sempre unha experiencia artística de gran calidade. Por iso, quen asista gozará dunha nova xornada dentro do Programa Adral, que a Xunta de Cofradías promove con tanto entusiasmo.
O Concello destaca a oportunidade que supón para impulsar a hostalaría local e felicita ás persoas galardoadas pola súa contribución á gastronomía asturiana.
Este texto é o froito de varios anos de investigación e convida profesionais da educación, terapeutas e persoas curiosas a descubrir como o traballo coa arxila libera traumas e favorece unha transformación persoal profunda. Ao remate do acto servirase un viño e un pequeno petisco.
A continuación, as persoas que desexen continuar a conversa e compartir un tempo de convivencia poderán anotarse á comida que se celebrará na Casa da Penela.
Pasados dez minutos das 15 horas deste martes, un particular alertou ao 112 Galicia dun coche envorcado fóra da vía en San Martiño de Ferreiros, Pol. Aconteceu no quilómetro 3 da LU-750, e a única persoa implicada permanecía atrapada no interior. De inmediato, desde o Centro Integrado de Atención ás Emerxencias activouse un operativo no que participaron Urxencias Sanitarias de Galicia-061, os Bombeiros de Vilalba, a Garda Civil de Tráfico e os servizos de mantemento da estrada. Os bombeiros actuaron para liberar á persoa, que foi evacuada en ambulancia polos profesionais sanitarios desprazados ata o lugar.
Unha comedia orientada para público infantil escrita e dirixida por Bea Campos. Hora: 18h.
O investigador achegarase a Ribadeo para falar sobre Urraca, considerada por moitos a emperatriz de todos os galegos e galegas. A entidade xa coñece o bo facer de Picallo, pois en anteriores ocasións participou como ilustrador nas presentacións das novelas Ao sur da liberdade e Entre a vontade e o destino, de Xosé Henrique Costas, deixando unha excelente impresión. Nesta ocasión, o público poderá escoitar ao Picallo historiador, que achegará novos datos sobre o reino de Galiza, unha realidade histórica que durante anos permaneceu agochada e que hoxe se recupera grazas a publicacións e investigacións como a súa.
