Lugo, 24 de setembro de 2013.- A provincia de Lugo rexistrou no pasado mes de agosto preto de 100.000 viaxeiros aloxados nos establecementos hoteleiros, cifra que supón un incremento do 21,5% en relación ao pasado ano, a porcentaxe máis elevada de todas as provincias galegas.
Así o comunicou hoxe a delegada territorial, quen subliñou que se alcanzaron as 160.000 pernoitas, o que significa un incremento de case o 19% con relación ao mesmo período do ano pasado. Esta “extraordinaria evolución” do sector turístico na provincia –indicou Arias- sitúa a Lugo “na cabeza do crecemento da demanda en Galicia”.
A delegada destacou tamén o feito de que o crecemento da demanda “beneficia en xeral a todos os destinos da provincia”. Así, na cidade de Lugo as pernoitas hoteleiras de agosto superan nun 29% os niveis do pasado ano. “Rexistran tamén resultados positivos a Mariña Lucense, onde as pernoitas soben nun 10%; Lugo Central, cun incremento do 26%, ou a Ribeira Sacra, con subas neste caso do 26%”, explicou.
O bo comportamento da demanda hoteleira en agosto vén como consecuencia esencialmente do crecemento experimentado polo turismo procedente de fóra de Galicia. En particular, o turismo español procedente do resto do Estado sobe un 27% mentres que o internacional medra un 23%.
Agosto non fai senón confirmar a tendencia que se viña rexistrando durante todo o ano, xa que “nos oito primeiros meses deste ano a provincia de Lugo rexistra unha mellora importante dos seus niveis de demanda hoteleira, superando nun 11,4% a cifra de viaxeiros aloxados e nun 9,8% o nivel de pernoitas do mesmo período do pasado ano”, significou Arias.
Ao respecto, Arias afirma que “Lugo é a provincia que mellor comportamento está a experimentar no ámbito hoteleiro neste período, representando no que vai de ano o 13% do total da demanda hoteleira de Galicia”.
A delegada considerou que “se están a dar pasos importantes para a promoción da provincia e xa se ven os froitos”. Así mesmo, Arias significou tamén o papel que están a desenvolver todos os membros do sector, cuxo “compromiso resulta tamén unha das claves” para o desenvolvemento deste ámbito estratéxico e aos que agradeceu o seu traballo.
Neste sentido, lembrou “a forte aposta da Xunta polo potencial turístico de Lugo, tanto no que se refire á difusión dos nosos destinos turísticos como á ordenación e distribución da oferta”.
Como casos máis recentes aludiu á presenza da campaña “… E para comer, Lugo” na Volta Ciclista a España, á posta en marcha do tren turístico Ruta dos Faros na Mariña ou ao Outono gastronómico, que involucra a casas de turismo rural de toda a provincia, todas elas iniciativas patrocinadas pola Xunta de Galicia.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continúa con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
Finalizado o encontro, de carácter privado, o Cónsul asinou no Libro de Ouro da Deputación e a Presidenta fíxolle entrega dun agasallo institucional. Trala xuntanza Carmela López manifestou a súa satisfacción porque “traballamos para avanzar en novas vías de colaboración, e en posibles proxectos que serven para reforzar a relación entre a Deputación e o veciño país de Portugal”.
