Mondoñedo celebra esta fin de semana as festas da patroa da cidade de Mondoñedo e da diocese Mondoñedo-Ferrol.
A programación arrincará ás 11.30 horas do sábado 14 de setembro coa saída do “IV Rallye de Clásicos Cidade de Mondoñedo”, da Praza da Catedral. Ás 13.00 horas dispararanse potentes bombas anunciando o comezo das festas e ás 14.00 horas haberá unha sesión vermú coa Orquestra Nova Imperial.
Xa pola tarde, ás 17.00 horas no Campo Viñas da Veiga celebrarase o partido de fútbol de 2ª Autonómica entre os equipos Mondoñedo F. C e o Club Deportivo Foz. Ás 17.30 horas haberá unha Jinkana de Clásicos e Animación infantil a cargo de “Puzzle Animación” na Praza da Catedral organizada pola Asociación Mira e Anda de Mondoñedo. Ás 19.00 horas comezará a “III Xuntanza de Cantos de Taberna Mondoñedo 2013” con saída dende a Praza do Concello baixo a organización da ACIAM. As orquestras Nova Imperial e Samba ofrecerán unha verbena na Alameda dos Remedios a partir das dez e media da noite.
Pola súa banda, o lanzamento de potentes bombas anunciarán o domingo 15 de setembro o segundo día de festas ás 10.00 horas. Ás 11.30 horas sairá a Comitiva da Casa do Concello cara ao santuario de Nosa Señora dos Remedios, acompañada da Banda de Música de Ortigueira, para asisitir á misa de ofrenda que presentará o Ilmo. Sr. Alcalde do Excmo. Concello de Ortigueira, cantada pola Coral Polifónica de Ortigueira. Seguidamente terá lugar a procesión polo itinerario de costume, acompañada pola Banda de Música de Ortigueira. Ás 14.00 horas a Orquestra Jerusalén ofrecerá unha sesión vermú e ás 14.15 horas a Banda de Música de Ortigueira ofrecerá un concerto na Praza do Concello (en caso de choiva terá lugar no Auditorio Municipal Pascual Veiga).
O domingo tamén se celebrará a I Carreira Popular Os Remedios cun percorrido polas principias rúas da cidade saíndo da Praza da Catedral. A proba para as categorías inferiores celebrarase a partir das 16.30 horas, mentres que a absoluta arrincará ás 18.00 horas. Os dorsais recolleranse media hora antes na Praza da Catedral sendo gratuíta a inscrición na proba. Ao finalizar a última carreira os trofeos entregaranse na Praza do Concello. Máis información e inscrición http://carreiraosremedios.blogspot.com.es/ ou ben no número de teléfono 605790091.
Jerusalén e Tekila ofrecerán unha gran festa verbena a partir das dez da noite na Alameda.
E as festas na honra á Virxe dos Remedios chegarán ao seu remate o luns 16. Ás 12.30 horas o Santuario de Nosa Señora dos Remedios acollerá a celebración dunha misa de cofrades para dar paso á sesión vermú coa orquestra Nueva Generación ás 13.30 horas.
A partir das 17.00 horas a Alameda acollerá o Día no Neno. Os rapaces e rapazas poderán disfrutar dunha xornada na que haberá unha redución da entrada das atracións da Alameda.
E antes da verbena coa orquestra Nueva Generación que arrincará ás 22.00 horas para dar por rematadas estas festas, o grupo Teatro Espello Cóncavo representará ás 20.00 horas no Auditorio Municipal Pascual Veiga a obra “Anxeliños” de Roberto Vidal Bolaño.
A Comisión de Festas de “Os Remedios 2013” agradece a súa colaboración e deséxalles ¡Felices Festas!
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
