A Consellería de Traballo e Benestar achega este ano un total de 1.725.817,00 euros ao II Plan galego de inclusión social 2007-2013, que xestiona o Consorcio Galego de Servizos de Igualdade e Benestar. O Consello da Xunta autorizou hoxe a sinatura dun convenio para a realización da devandita achega. O II Plan galego de inclusión social está cofinanciado polo Fondo Social Europeo e pola Xunta de Galicia.
Así, o Consorcio conta con 18 oficinas de inclusión en distintos concellos das catro provincias galegas desde as que equipos de técnicos desenvolven un traballo de alcance comarcal a prol da inclusión social dos colectivos máis desfavorecidos. As devanditas oficinas están situadas nos concellos de Ames, Arzúa, Carballo, Noia e As Pontes de García Rodríguez na provincia da Coruña; Baralla, Begonte, Mondoñedo e Monforte de Lemos, en Lugo; O Carballiño, Celanova, A Rúa e Xinzo de Limia, na provincia de
Ourense e, por último, nos concellos pontevedreses de Gondomar, Lalín, Marín, O Porriño e Vilagarcía de Arousa. Un equipo máis desenvolve este labor no Centro Penitenciario de Teixeiro, onde traballan con reclusos con data próxima de saída do cárcere que, a través do Plan, se preparan para a vida en liberdade.
O obxectivo principal deses equipos é promover a inserción social e laboral dos colectivos en situación ou risco grave de exclusión social mediante o desenvolvemento de itinerarios personalizados e integrais de inserción, desde unha perspectiva ligada ás potencialidades do territorio e ao seu tecido social e produtivo.
Eses itinerarios, deseñados polos técnicos coa participación activa das persoas destinatarias, inclúen un conxunto de servizos, prestacións e accións de orientación, formación e emprego, que dependendo do perfil poden ser accións formativas, prácticas en empresas en distintos postos (como caixeiro, carreteiro ou repoñedor, por exemplo) ou, cando as circunstancias así o requiren, actividades de desenvolvemento persoal e de adquisición de habilidades sociais. O ano pasado, o total de persoas que se beneficiaron das distintas accións do II Plan galego de inclusión social foi de 2.316 e delas 652 accederon a un posto de traballo. Desde o ano 2008 esas actuacións chegaron xa a 12.251 persoas.
Estas accións teñen como marco de referencia os obxectivos en materia de protección e inclusión social adoptados pola Unión Europea nos cumios de Lisboa a Niza do ano 2000, e actualizados mediante a comunicación da Comisión do 22 de decembro de 2005, que establece “un novo marco para a coordinación aberta das políticas de protección social e inclusión social na Unión Europea”, e nos informes conxuntos da Comisión e do Consello de marzo de 2006 e febreiro de 2007.
É preciso lembrar que o II Plan galego de inclusión social 2007-2013 enmárcase na aposta da Xunta polas persoas máis vulnerables, un eido que está a priorizar nas súas políticas. Proba deste esforzo é que este ano a Consellería de Traballo e Benestar está a destinar a este ámbito máis de 42 millóns de euros en actuacións como a renda de inclusión social de Galicia, as axudas de emerxencia social ou as subvencións a entidades sociais como, por exemplo, as que xestionan comedores, albergues e casas de acollida.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
