Foz, 27 de setembro de 2013. O PP de Foz vota en contra de condenar a represión franquista no Concello. O Bloque Nacionalista Galego valorou a sesión do Pleno do Concello celebrado na xornada do xoves onde á marxe de someterse a debate diversas propostas dos nacionalistas así como a apertura dun novo proceso de exposición publica do plan xeral e o ditaminar ás máis de 1800 alegacións que no seu momento se presentou ao PXOM aprobado inicialmente en 2007.
O PP de Foz négase a condenar o franquismo
O Portavoz do BNG Xoán Carlos González Basanta ao mesmo tempo que mostrou a súa estrañeza polo feito de que o PP de Foz se negara a condenar ao franquismo, algo que é o que están a facer noutras corporacións, agradeceu “aos populares de Foz a súa claridade e sinceridade ao negarse a na ditadura franquista e recoñecer social e institucionalmente ás vítimas do franquismo que representan máis de 77 persoas. O PP que vimos no Pleno de Foz é o PP en estado puro, o PP sen complexos, o PP que dá por bo en base ao “algo farían os paseos do 36”, o PP que non lle importa condenar unha vez máis aos represaliados do 36, os que consideran unha broma á defensa de Franco ou sacar a bandeira coa galiña. O PP de Foz, en definitiva mete medo, semella máis ás brigadas negras que percorreron os pobos de Lugo ou aos coches do cangrexo que circulaban pola Mariña que unha formación democrática, isto é, as posicións que defende o PP non collen no marco político actual. Está claro que a súa fidelidade é a de Francisco Franco, a das leis Fundamentais do Movemento e o que resulta máis preocupante é a súa negativa a rachar o cordón umbilical co franquismo”. Xa por último, Basanta anunciou que o BNG promoverá unha condena do Parlamento Galego ao alcalde de Foz por negarse a condenar o réxime de Franco, se ben destacou que os 8 votos da oposición serviron para que saíra adiante a proposta nacionalista de condenar a ditadura.
Foz non ten garantida unha residencia
O Pleno da Corporación aprobou sen ningún voto en contra a proposta do BNG de solicitar á Xunta de Galiza unha residencia da Terceira Idade que entre en funcionamento en 2015 cun número de praza de residentes e centro de día que supere ás 100, cantidade moi por riba da recollida na proposta da Consellaría. “Non deixa de ser curioso que o propio alcalde no Pleno co seu voto recoñecese que o número de prazas é insuficiente e que, mesmo antes de ter o proxecto redactado, xa fale de aumentar o número de prazas. En definitiva, esta residencia de play móbil que defende a señora Mato e o seu fiel servidor en Foz, Castiñeira, pretende vender como un éxito unha residencia que non está garantida e que, con absoluta seguridade, non estará executada en 2015, o que vai seguir a aumentar a discriminación que en materia social padece o Concello de Foz. Abonda repasar as dotacións para maiores en concellos con menos poboación que Foz e as dotacións de Foz. Só o bipartito apostou por Foz nesta materia, primeiro coa construción da escola Infantil do antigo Hotel Bahía e despois coa proposta de residencia que o Sr. Feijóo paralizou en 6 anos. Cando se trata de cumprir con Foz o PP anda a paso de tartaruga”.
Alcalde promotor ou interese xeral
O Bloque Nacionalista Galego denunciou a irresponsabilidade do resto de grupos da corporación que deron por bo un ditame sobre as alegacións ao Plano de 2007, un ditame que só acepta unha parte ínfima das máis de 1800 alegacións apresentadas naquel momento e aínda van máis aló cando mostran a súa negativa a contestar individualmente. “Se chegamos á situación urbanística na que se atopa Foz foi fundamentalmente pola falta de vontade política de quen gobernou o Concello, non por un problema de lexislación nin tampouco de normativa. A desfeita urbanística de Foz, o urbanismo á carta, a discrecionalidade, a falta de defensa do interese xeral, un urbanismo ao servizo dos promotores ten responsábeis, isto é, populares e socialistas que gobernaron o Concello”, precisou Basanta.
“A nosa posición é que Foz conte cun instrumento de planeamento que aumente os estándares de calidade de vida, que faga un Concello máis habitábel e que resolva o problema da vivenda, agardamos que esa posición se abra paso, se ben non hai motivos para o optimismo despois de dar uns e outros o visto bo a un documento que persevera na desfeita e aínda máis cando temos un alcalde que non deixa de ser un home do sector do ladrillo”, concluíu o portavoz nacionalista.
Resultaron gañadores na Categoría SUB 15: Los Reversos. Categoría Sénior: Doloringues. Entregaron as medallas os edís Alfredo Fernández e Adrián Arias. As actividades seguen o martes, 8 de xullo, coas Noites de Fútbol Praia.
Prolongarase ata a primeira semana do mes de setembro “co obxectivo de axudar na conciliación familiar e laboral ao longo de todo o verán”, explica a súa directora, Raquel Hermida. A Escola de Minitalentos, dirixida a nenos e nenas con idades comprendidas entre os 3 e os 12 anos, abre de oito da mañá a tres da tarde: “os asistentes poden incorporarse ás actividades e talleres ao longo da mañá”.
Tirando sempre de creatividade e imaxinación, tamén aproveitaron para saír a mercar froita ao Mercado que se celebra cada xoves na Praza dos Campos. Unha forma tamén de fomentar a alimentación saudable e a aprendizaxe activa.
Debido á instalación dos postos, non será posible realizar o sistema habitual de «quita e pon», polo que se instalarán contedores fixos nos puntos indicados no plano elaborado para tal fin. Ademais, colocaranse contedores de reforzo nas seguintes localizacións: Praza Maior. Rúa Irmáns Vilar Ponte. Rúa Fernández Victorio. O Concello agradece a colaboración da veciñanza e do sector hostaleiro no uso responsable dos contedores, recollida de residuos xerados nos espazos cedidos, así como que estes espazos sexan mantidos en condicións axeitadas.
O sábado a partir das 21h espectáculo de narración oral a cargo de Lîlâ Teatro coa obra "Estremonías da Silva" e á súa finalización, música tradicional con Os Carricantos. O domingo, toca sesión vermut da man de José Brea & Miguelón a partir das 13h, para disfrutar dun aperitivo antes do xantar. Como sempre, acompañado das tapas de Galiana e do mellor ambiente.
Trátase dunha homenaxe que as universidades públicas galegas en colaboración coa Consellería de Educación renden ao estudantado con mellores expedientes de Galicia nas probas de acceso á universidade, sendo necesario acadar nota igual ou superior a 8,5 na fase xeral da PAU. O acto celebrouse na Universidade de Vigo o pasado 20 de xuño, onde lles foron entregados os diplomas que os acreditan como alumnado sobresaínte. Dende o IES de Ribadeo, parabéns aos homenaxeados polos resultados acadados e tamén a tódolos compañeiros e compañeiras que superaron a PAU polo esforzo realizado.
De volta no obradoiro, estes verdadeiros artistas puxeron toda a súa creatividade para elaborar preciosos marcos personalizados. Cada marco é único, feito con moito agarimo e cun anaquiño da nosa costa.
