Ribadeo, 27 de setembro de 2013. O Concello solicitaralle á Xunta a declaración de parque natural para As Catedrais e que poña en marcha os outros instrumentos cos que conta desde hai anos para a conservación deste areal. Este foi un dos asuntos abordados no pleno ordinario de onte no que tamén se aprobou por unanimidade reclamarlle ao goberno galego a reposición dunha praza de médico no centro de saúde ribadense.
O rexedor incidiu “na necesidade de facer algo coa praia das Catedrais, algo coa costa de Ribadeo, algo que sexa positivo para todos, para os propietarios, para os veciños do noso concello e algo que poida ser un motor económico, de riqueza sen que cheguemos a estragar esta marabilla da natureza que temos a fortuna de ter aquí en Ribadeo e pola que outros devecen”.
Fernando Suárez explicou que “despois dun debate sosegado durante moitos meses acordamos unha fórmula concreta que é a demandar do goberno galego, por ser o que ten as competencias para isto, o inicio dos trámites para a delimitación e creación do parque natural das Catedrais. E ao mesmo tempo, sabendo que isto é un proceso que se pode demorar no tempo, reclamarémoslle á Xunta que poña en funcionamento os instrumentos que xa ten creados desde hai tempo, pero que nunca quixo levar adiante, como son os plans de conservación da praia das Catedrais ou outros que hai que desenvolver co LIC (Lugar de Interese Comunitario) coa Rede Natura que está declarada desde hai dez anos en toda a costa de Ribadeo”.
O alcalde sinalou que “a parte do goberno municipal PSOE e UPRI votaron a favor desta proposta e o PP votou en contra contradicíndose en moitos dos seus argumentos e ás veces dicindo cousas que causan estupor. A súa portavoz, Campo Braña, acusaba ao goberno municipal e ao alcalde de ser os responsables de que veña moita xente a Ribadeo e ás Catedrais e que igual é mellor que veña menos xente de máis calidade ou algo así. No nome do goberno municipal e meu teño que dicir que estamos orgullosos e satisfeitos de que Ribadeo nestes últimos tempos brilla con luz propia en toda Galicia e somos un exemplo de xestión turística na que moitos concellos se miran”. Suárez Barcia engadiu que “acusarnos a nós de que somos responsables de que veña moita xente ás Catedrais é querer tapar os ollos e non querer ver o que diferentes organismos internacionais están sempre a premiar, a galardoar e a recoñecer este areal. Ademais Turgalicia e Turespaña usan de mascarón de proa a praia das Catedrais, polo tanto sabemos que ou entre todos tomamos medidas ou seguramente acabemos matando á galiñas dos ovos de ouro”.
Arredor de 200 persoas se concentraron antes do inicio do pleno nas inmediacións do Concello para reclamar a reposición da praza de médico que se suprimiu no centro de saúde. O rexedor dixo “sentirse orgulloso de ser de Ribadeo e de ver cómo responde a cidadanía. Despois no pleno a proposta que levabamos desde o BNG para o mantemento desta praza foi secundada por todos os membros da Corporación, algo que valoro de xeito importante. Incluso logo aprobamos mocións da oposición reclamando a atención oncolóxica no Hospital da Costa, pero cunha moción de urxencia tamén pola nosa parte para que iso sexa real e non sexa só un médico que se desprace de Lugo a Burela para dar as pautas médicas receitadas, senón que se converta nun hospital oncolóxico con recursos humanos, materiais, con espazo físico e cun parque móbil suficiente que permita atender aos veciños e veciñas de todos os Concellos da área sanitaria da Mariña”.
Conta xeral de 2012
No pleno de onte tamén se aprobou a conta xeral de 2012 “por unha ampla maioría e debemos dicir que ven sendo un resumo do exercicio dese ano. Estamos a mellorar cando peor está a situación en xeral. Sabemos que temos moi dificultades e sabemos que non podemos facer todas as cousas que aos veciños lles gustarían, pero estamos facendo algo do que nos sentimos moi orgullosos. Estamos a pagar aos provedores no que marca a lei, alguén se pode botar a rir pensando que así debe ser, pero eu que levo catorce anos aquí no Concello nas diferentes facetas de concelleiro de oposición, tenente de alcalde e alcalde nunca o Concello pagou a dous meses, incluso había veces nas que pagaba a un ano. Isto veuse mellorando a forza de ter os remanentes positivos e gastando chisquiño menos do que presupostamos, sen estridencias, sen excedernos no gasto e aínda sabendo que temos moito que facer e que mellorar”, relatou o alcalde.
Festivos locais
A Corporación Municipal acordou os dous festivos locais para o ano 2014 que serán o martes de carnaval e o 8 de setembro, día da patroa. E por unanimidade aprobouse a proposta de Serviocio para executar reformas e melloras na piscina municipal en materia de seguridade e de saúde. Fernando Suárez lembrou que “se reforzará a cuberta desas instalacións, que ás veces presentaba síntomas de que está un pouco estragada e ao mesmo tempo de cambiar o sistema de depuración a través de raios ultravioletas, que reducirá o cloro á mínima expresión e con toda garantía sanitaria e legal”.
Nesta ocasión, a homenaxeada foi a de Román. Tras unha recepción ás portas do concello, a veciñanza da parroquia desprazouse a pé ata a Igrexa de Santa María co grupo tradicional Cerna de Árbol. Na misa, cantada pola Coral Polifónica Vilalbesa, realizáronse as ofrendas e púxose en valor a tradición “dos canteiros e os traballos en pedra” en Román, unha parroquia cun destacado patrimonio histórico e cultural. Tras a celebración na igrexa, os veciños e veciñas de Román compartiron uns pinchos de fraternidade no Centro Cultural.
O corte afectará ao tramo que vai desde o principio da vía ata o punto quilométrico 0,900. Para facilitar a execución das obras, será necesario que non haxa vehículos estacionados nese treito. Os traballos, executados pola empresa Jose No Mantiñan E Hijos Construcciones, S.A., forman parte dun proxecto conxunto para a mellora e acondicionamento de varias estradas provinciais no municipio de Xove, cun investimento total superior aos 800.000 euros.
Daniel García reafirmou o apoio ao festival, que conta cunha colaboración estable e continuada da Vicepresidencia provincial desde a primeira edición e valorou "o impulso que a Asociación Fanto Fantini lle dá ano a ano ao festival, cun programa que vai máis alá do cartel musical e que profundiza na súa identificación e o seu vínculo con Burela e coa Mariña". A Vicepresidencia da Deputación achega 25.000 euros ao patricinio desta edición do Osa do Mar.
Presidenta e xerente, Carmen Cruzado e Jesús Pérez, acudiron ao Teatro a escoitar a Pepe Conde, quen fora xefe do servizo de cirurxía do HULA e persoa moi vinculada a esta vila por motivos familiares. Co seu pregón arrincaron varios días festexos que rematarán o vindeiro martes, día da patroa. Cruzado e Pérez departiron cos responsables da comisión das festas minutos antes do inicio do pregón.
No acto tamén estivo o presidente de ACRUGA, César Dorado Pin, e outras autoridades. López destacou a importancia do certame e entregou os trofeos. A Granxa Gayoso Castro, situada en Castro de Rei, é un referente provincial pola súa labor de formación, investigación e apoio á recría de Rubia Galega en colaboración coa USC e ACRUGA.
A sesión incluirá a proxección da peza, de 27 minutos de duración, e un coloquio con Ugía Pedreira sobre música, saúde e outros temas. A obra forma parte da selección oficial do Barcelona Indie Filmmakers Festival (BARCIF) 2025 e a actividade está promovida por A Pomba do Arco.
O evento comezou cunha misa na igrexa parroquial de Santa María de Meira e a continuación, tivo lugar o tradicional xantar no Pavillón dos Deportes e o recoñecemento ao home e á muller de maior idade do municipio. Nesta xornada de convivencia, Fernández Méndez puxo en valor a contribución das persoas maiores á sociedade e enxalzou o seu papel activo no municipio, “é unha satisfacción compartir este día coas nosas persoas maiores, que tanto teñen achegado á sociedade e que merecen espazos de encontro e celebración como este”.
