Trasbar, 10 de setembro de 2013.- A asociación de veciños do Burgo de Trasbar comeza o novo curso o vindeiro xoves. Despois do descanso do verán, no que tan só nos dedicamos a ir de romarías (ao San Antonio da Rigueira, e ao Santiago de Sargadelos), toca poñerse as pilas para comezar con ánimo un ano cargado de actividades e empezar a abrir o local social todas as fins de semana.
Colaboración coa Comisión de Festas
A Comisión de festas da Romaría da Santa Eufemia de Trasbar, ten que traballar moi duro para poder organizar unhas festas estupendas para tan poucos veciños. Co ánimo de botarlles unha man, esta asociación puxo á venda rifas para o sorteo de 500 euros. O número da papeleta deberá coincidir coas catro últimas cifras do primeiro premio do sorteo da ONCE do día 16 de setembro. O prezo de cada rifa é de 1 euro e consta de catro
terminacións. Os beneficios da venda son para sufragar os gastos da festa. O premio será entregado no local social de Trasbar a partir do 21 de setembro.
Ademais diso, tal e como fixemos en anos anteriores, colaboramos na elaboración da alfombra floral para a procesión do sábado 14. Para elo, comezamos o xoves 12 a xuntar o verde e a cortalo a partir das 17.00 h no garaxe de Marina. O venres 13, á mesma hora e no mesmo sitio, prepararemos as flores e iremos pintar arredor da capela o bosquexo da
alfombra que comezaremos a confeccionar o sábado a partir das 07.00 h.
Calendario de actividades
O vindeiro sábado 21 de setembro abrimos de novo as portas do local social todas as fins de semana. O horario dos sábados é a partir das 18.00 h e o dos domingos a partir das 17.00 h. Todos os veciños están desexando que chegue ese día xa que están moi contentos de poder xuntarse para botar unhas partidas, parolar e tomar un cafeíño.
O domingo 22 teremos a III Subida ao monte Cabaleiro. A saída está prevista para as 10.00 h desde o local social. Esta actividade é gratuíta. Recomendamos levar roupa e calzado cómodos e algo de comer para xantar no camiño. Os que non se animen a subir poderán ir para o local social no horario de apertura habitual.
No mes de outubro elaboraremos os calendarios dos campionatos de tute e de parchís. O prazo de inscrición será dende o día 21 ata o día 29 de setembro. Para os socios é gratuíto e os non socios deberán pagar unha cota de 10 euros por persoa.
Este ano temos como novidade un curso de bailes de salón. Terá lugar os martes no local social de Trasbar e un custo de 25 euros ao mes cada parella. A inscrición pódese facer a través do correo electrónico da asociación (burgodetrasbar@yahoo.es), no local social ou poñéndose en contacto con calquera dos membros da Xunta Directiva.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
