Burela, 4 de setembro de 2013. O alcalde de Burela, José María González Barcia, manifestou este mércores que “o Plano Xeral de Ordenación Municipal vai permitir xerar unha fachada marítima en A Limosa e engarzar o casco urbano co acceso ó porto a través dun entronque na mesma zona”.
O rexedor burelés indicou que “a apertura de solo urbano na zona de A Limosa permitirá abrir un espazo que ata o de agora non se podía ocupar. A urbanización paulatina do mesmo permitirá ocultar parcialmente as traseiras de edificios de Arcadio Pardiñas na zona de O Campón, mediante un sistema de escalonamento que tenta minimizar os efectos visuais actuais”.
González Barcia explicou que “de feito, desde a rúa Castrelo en dirección este se abre un vial de dezaseis metros de ancho que discorrerá en parte en paralelo á rúa de Suafonte e ó Camiño da Limosa ó Perdouro. Entre as edificacións actuais da rúa de Suafonte e ese vial se poderán construír edificacións de ata tres alturas, que terán continuidade tamén no Camiño da Limosa, que pasará a converterse en rúa, ata a altura do aparcamento de Celso Emilio Ferreiro na traseira dos edificios do Campón”.
O alcalde de Burela engadiu que “pola parte nordeste de ese novo vial, é dicir cara o mar, haberá unha zona verde, que significará o engarce coa zona de servizos xerais portuarios, practicamente nas inmediacións de onde se ubicará a rotonda de chegada do acceso ó mesmo porto”.
Ademais, González Barcia indicou que se xera un entronque co acceso ó porto que permitirá sacar por esa zona o tráfico en boa parte do casco urbano: “ese novo vial case paralelo coa rúa de Suafonte e co Camiño da Limosa, ó final conflúe precisamente coa rúa na que se converterá o Camiño da Limosa, como dicimos, á altura dos aparcamentos da traseira do Campón. A partires de aí, xérase un único vial de doce metros de ancho, que xa non terá posibilidades de edificación nos seus laterais, que entroncará co acceso ó porto uns metros máis adiante en dirección este”.
O alcalde de Burela dixo que “deste xeito poñemos en valor unha zona na que agora mesmo non se podía facer absolutamente nada; damos unha solución ordenada e respectuosa co medio ambiente ó forte impacto visual que causan as traseiras do Campón; xeramos zona verde e de esparcemento, e habilitamos unha nova vía de saída desde o casco urbano para o tráfico do centro da vila”.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
