Os socialistas de Burela explican aos veciños e veciñas a abstención do grupo municipal na aprobación inicial do PXOM

Dende a Comisión Executiva do PSdG-PSOE de Burela temos que aclararlle os veciños e veciñas de Burela a abstención do Grupo Municipal na aprobación inicial do PXOM de Burela.

En primeiro, lugar dicir que nun principio non éramos partidarios nin da abstención xa que como o propio Partido Popular de Burela recoñece, este Plan Xeral de Ordenación Municipal “é moi mellorable”, e a nosa primeira intención era a de votar en contra. Pero a responsabilidade fixo que entendéramos que, á espera do que a Xunta poda mellorar neste PXOM antes da súa aprobación definitiva, a abstención era o máis responsable que poderíamos facer tendo en conta a importancia que ten para os veciños e veciñas de Burela este PXOM, que vai a condicionar o crecemento do noso pobo por moitos anos.

Queremos deixar claro que este PXOM non nos gusta, porque entendemos que é un PXOM que non é ambicioso para Burela. Vemos claramente como este PXOM aprobado inicialmente polo Partido Popular de Burela non recolle a realidade de Burela, castiga a uns veciños e beneficia claramente a outros. Temos casos que son realmente curiosos, solo industrial que pasa a ser solo edificable nalgúns casos, que cando menos (vendo a quen se beneficia), damos por feito que algunha das empresas máis potentes do noso Concello van a desaparecer. Rúas que rematan xustamente na casa de algún dos concelleiros do equipo de “desgoberno” do Partido Popular de Burela discriminando a outros veciños, que se quedan sen rúa prexudicando claramente os seus solares e casas, protección de certas casas e de outras non, etc, etc, etc…

Fóra dos intereses persoais, que claramente se tiveron en conta na elaboración, chama poderosamente a atención que non se recolla neste PXOM un acceso ó que sería o polígono industrial da Puída. E que se consideren a Praza do Concello como zona verde, cando non fai moito tempo se vendía por parte deste equipo de “desgoberno” que se fixera un proxecto (que custou unha boa cantidade de cartos públicos) para facer un aparcadoiro subterráneo debaixo da Praza do Concello que ó pasar a ser zona verde si é que a Xunta o admite, cousa que dubidamos. Có cal entendemos que eses cartos se tiraron ó lixo posto que non se poderá facer esa obra ó pasar a ser zona verde. Outro despropósito é que en vez de ampliar a EDAR que temos actualmente, que non é tan vella, se dispoña solo para construír outra quitándolle solo industrial á zona do porto.

En fin unha serie de cousas que estudaremos unha vez veña a resolución da Xunta, e en función dese informe e da responsabilidade política que temos cós veciños e veciñas de Burela, veremos en que termos é a nosa votación nesa aprobación definitiva do PXOM, sempre tendo presente a importancia para Burela o ter un PXOM. Pero tamén lle dicimos ó equipo de “desgoberno” de Burela que eles son os que están no goberno e non vaian a querer facernos a nós responsables das súas decisións que van en contra do interese xeral dos veciños e veciñas de Burela. Como diría a Secretaria Xeral do Partido Popular: “Aquí que cada palo aguante su vela”.