Coa publicación no BOE o pasado xoves da resolución do 10 de setembro de 2013, da Dirección Xeral da Carteira Básica de Servizos do Sistema Nacional de Saúde e Farmacia, o Goberno establece un novo copago sobre os medicamentos de dispensación ambulatoria en hospitais, é dicir, aqueles que só se dispensan a pacientes non hospitalizados nos servizos de farmacia dos hospitais, que quedarán sometidos a partir do 1 de outubro para a súa dispensación ao pago do 10 % do seu prezo por parte do usuario do medicamento.
A pesar de que dita resolución establece que se trata dunha aportación reducida, cun tope máximo de 4,20 euros, hai que ter en conta que este copago afecta a enfermos con patoloxías crónicas, pois entre os fármacos incluidos se atopan medicamentos para retrasar a progresión do cáncer de mama, para tratar o cáncer de ril, para o tratamento de tumores cerebrais, para a leucemia, artritis reumatoide, esclerosis múltiple e a hepatitis C, entre outros. Enfermos que, na maioría dos casos, xa consumen outros medicamentos sometidos a copagos, e que, en moitas ocasións, se trata de persoas con ingresos moi reducidos (coma os pensionistas), polo que, segundo a voceira socialista, Rosa Pérez Gradaílle, “Esta medida constitúe unha nova barreira que dificulta ou impide o acceso a medicamentos necesarios para sectores da poboación con menores ingresos”.
Así mesmo, como afirmou tamén a voceira: “Este novo copago agrava a situación, produce máis problemas no acceso aos medicamentos e xera un aumento da morbilidade e mortalidade nos grupos de poboación con baixos ingresos e graves problemas de enfermidade, tratándose dunha agresión máis do Ministerio de Sanidade aos máis pobres e enfermos”.
Ante este novo ataque do Partido Popular á Sanidade Pública, o Grupo Municipal Socialista do Concello de Foz presentará no Pleno convocado para esta tarde unha moción de urxencia dirixida a instar á Consellería de Sanidade a non aplicar en Galicia a resolución do 10 de setembro de 2013, da Dirección Xeral da Carteira Básica de Servizos do Sistema Nacional de Saúde e Farmacia, e non autorizar este novo copago para os fármacos de dispensación ambulatoria en hospitais; e, así mesmo, dar traslado á Consellería de Sanidade do total rexeitamento do Concello de Foz a este novo copago para os fármacos de dispensación ambulatoria en hospitais, por tratarse dunha nova barreira que dificulta o acceso aos fármacos aos máis pobres e enfermos.
A obra premiada aborda a emigración galega desde unha voz feminina, e o pregón destacou o traballo colectivo e a transmisión entre xeracións dentro da Banda. Con este acto, o Concello dá inicio a unha programación festiva que nos próximos días combinará tradición, cultura, deporte e música para todos os públicos.
Durante esas xornadas realizaranse estudos xeotécnicos imprescindibles para planificar correctamente as actuacións previstas, o que require que a maquinaria e o persoal traballen directamente sobre a infraestrutura, impedindo o paso de vehículos. Recoméndase ás persoas usuarias empregar rutas alternativas durante o corte, que só permitirá o acceso ás dúas vivendas situadas na Barxa. O Concello pide desculpas polas molestias e agradece a colaboración da veciñanza.
Afirman que os accesos ao Campo da Festa resultan moi dificultosos, especialmente para persoas con carriños de nenos ou cadeiras de rodas. Critican que a obra se trasladase a esta zona xusto antes das festas, deixando outros tramos a medio facer e sen ter en conta as necesidades dun barrio que consideran “marxinado”. Sinalan tamén á alcaldesa como responsable de evitar esta situación. A veciñanza esixe un arranxo inmediato do acceso, aínda que sexa provisional, e a instalación dunha sinal luminosa na alambrada situada ao final da obra.
A actividade, dirixida pola especialista Nuria Torrado, ofreceu ás crianzas un espazo para desfrutar, moverse, xogar e aprender a conectar co seu corpo e coa respiración mediante exercicios e dinámicas adaptadas ás súas idades. No último día, a rexedora Dolores García Caramés achegouse para compartir un anaco cos participantes, escoitar as súas impresións e agradecer o traballo da monitora, incluso sumándose a algunhas das actividades. A proposta pecha cun moi bo sabor de boca, como unha experiencia para aprender, divertirse e medrar en movemento.
Ao longo destas semanas, arredor de 20 nenos e nenas iniciáronse e melloraron as súas habilidades neste deporte, desfrutando do exercicio, aprendendo e pasándoo en grande. O Concello agradece a participación da rapazada e o apoio das familias, e reafirma a súa aposta polo deporte e por ofrecer alternativas de ocio activo para os máis pequenos. A actividade estivo organizada polas Concellerías de Xuventude e Deporte e pola Oficina de Información Xuvenil.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Unha xornada de convivencia que comezará ás 11:30 h na Alameda, con misa de campaña, sesión vermú, comida, sorteo e festa ata as 19:00 h. A principal novidade é o menú con paella, sobremesa, bebida e café. Para participar é preciso vale: 7 € para persoas empadroadas e 10 € para non empadroadas e acompañantes, dispoñible nas oficinas municipais, onde tamén se pode solicitar transporte. Senllos concellos animan á veciñanza maior a sumarse a esta cita de encontro e recoñecemento.
