Ribadeo, 25 de setembro de 2013. O alcalde, Fernando Suárez, supervisou as obras de urbanización da rúa Irmáns Suárez Couto e do antigo Camiño Real da Lodeira. Trátase duns traballos que as empresas construtoras dos inmobles alí levantados terían que ter feito hai anos, aínda que se están a executar agora. O rexedor dixo que ditas obras son froito do intenso traballo que o seu equipo levou adiante con esas firmas.
Suárez Barcia explicou “nestes días por fin se están a executar estas obras de urbanización dunha rúa importante para o ámbito urbano de Ribadeo que vai levar o nome de Irmáns Suárez Couto. É un vial paralelo á avenida Rosalía de Castro e transversal coa estrada da Lodeira e que é produto dunha serie de edificios que se estiveron a facer estes anos”.
O alcalde dixo que “isto do que agora falamos non debería ser noticia, é mais debera ser natural, pero non foi o que se estilou nestes últimos anos e estoume a referir aos últimos dez ou doce anos, onde contrariamente ao que a norma marca as urbanizacións públicas, os viarios, as beirarrúas, etc, deben ser feitas antes ou simultaneamente á execución deses edificios, pero aquí en Ribadeo coma en tantos outros sitios, aínda que eu falo do que me corresponde, isto non se estilou. Logo veu a crise e moitas das obras privadas ralentizaron moito a súa construción e todo esta obra pública quedou pendente”.
Fernando Suárez sinalou que “os veciños de toda esa zona esperaron e desesperaron non sei durante canto tempo e agora desde o Concello levamos varios meses traballando de maneira intensa cos promotores advertíndolles que isto non pode ser así e que isto tería que estar feito antes e agora o menos que poden facer é realizar os traballos tal e como o están a facer. Estano a facer ben e alégrome de que así sexa. A ver si agora, por fin, aquí en Ribadeo entran normas mínimas de urbanidade do que debera ser unha vila moderna, como queremos que sexa”.
O alcalde ribadense insistiu en que “estas cousas que veñen dadas do pasado desta maneira temos que tentar resolvelas, tal e como estamos a facer agora. Nas vindeiras semanas descubriremos a placa nesta rúa que levará o nome de Irmáns Suárez Couto, tal e como acordou o pleno da Corporación Municipal de Ribadeo de xeito unánime”.
E engadiu que “estas obras céntrase na urbanización dunha rúa duns 15 metros de ancho por uns 100 de longo e tamén se está a amañar o antigo Camiño Real da Lodeira nun treito que ata hai poucos días aquilo era unha poeira, chea de baches, que xerou moitas queixas dos veciños e que agora pinta doutra maneira e é un lugar agradable para vivir, non como ocorría ata o de agora”.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
