O Burela FS Pescados Rubén repetirá xornada na casa coa visita de todo un titán á bomboneira. O todopoderoso ElPozo Murcia recalará na Mariña para medirse aos de Juanlu o sábado, ás 18.30 horas, na terceira cita de Primeira.
”É un rival moi complicado pero temos argumentos suficientes para sacar algo positivo este sábado” recoñecía con ilusión o técnico laranxa, Juanlu. O cadro mariñán pelexará por recuperar a senda do bo inicio ligueiro, con triunfo en Peñíscola (1-3), e deixar atrás o amargo sabor da semana pasada, con 1-2 desfavorable ante Xota Navarra. O técnico laranxa espera un partido aberto e con espectáculo, lonxe do encontro disputado na segunda xornada: “A semana pasada o Xota obrigounos a levar todo o peso do partido, algo difícil de asumir para un equipo en contrución como o noso; concedeunos toda a iniciativa e non nos permitiu xerar contraataques. É moito máis doado destruír ca crear; esa foi a gran baza do rival” analizaba Juanlu.
ElPozo Murcia, actual subcampión de liga, Copa e Supercopa, saltará á pista de Vista Alegre cun empate ante Santa Coloma (6-6) e unha vitoria (5-1) ante o Peñíscola. A constancia, errante no estreo da competición, será o arma para conseguir os seus obxectivos, segundo o parecer de Dúbida: “Hai que plasmar na pista o que temos programado, poñer as ganas por diante e ser máis constantes que é o que nos faltou en Santa Coloma, non fixemos un mal partido pero os momentos malos aproveitounos o rival”.
O técnico dos murcianos dispoñerá de 3-José Ruiz, 5-Lolo, 7-Juampi, 8-Jesús, 9-Bebe, 10-Álex, 11- Miguelín, 12-Fabio, 15-Rafa, 17- Raúl Campos e 21-Gréllo. Serán baixas Kike, Adri, que chegou da selección con lesión de isquiotibiales, e Franklin.
A convocatoria de Juanlu estará configurada por 1-Edu, 2-Mimi, 3-David Burrito, 5-Iago Míguez, 7-Isi, 8-Juanma, 9-Hugo, 10-Matamoros, 11-Christian, 23-Antoñito e 19-Brais.
No seu último enfrontamento, no segundo tramo da liga 2012-13, galegos e murcianos repartíronse os puntos cun axustado 1-1 en Burela.
Día do Club. O partido con ElPozo Murcia será o primeiro dos tres encontros que a entidade laranxa marcou como días do Club esta tempada. A entrada para os soci@s maiores de 14 anos será de 5 euros e de 0 a 13 anos deberán abonar 1 euro. Os non soci@s deberán abonar 20 e 3 euros respectivamente. O sábado a taquilla de Vista Alegre estará aberta desde as 17.30 horas; ata o venres ás 19.00 horas, a venda anticipada estará dispoñible na sede do CD Burela FS (avenida Arcadio Pardiñas, número 91, baixo).
Asociación Piel de Mariposa. Vista Alegre habilitará unha Fila 0 o sábado a favor da Asociación Piel de Mariposa (DEBRA España). O Burela FS Pescados Rubén destinará unha porcentaxe da recadación do partido para axudar o colectivo; aqueles afeccionados/as que así o desexen tamén poderán depositar o seu donativo nas huchas solidarias colocadas no pavillón ou a través de www.debra.es.
Destacou o labor da asociación xuvenil A Rumboia, que en poucas edicións converteu o evento nun referente cultural da Terra Chá e nun motor para o turismo e a economía local. O cartel inclúe Caamaño & Ameixeiras, Ulex, La Txama, Boyanka Kostova, Bea Fernandes e Lucasiito B2B Somiiux. Haberá tamén actividades para todas as idades —xogos, obradoiros, contacontos e artesanía— no campo da feira de Gontán, con entrada gratuíta.
O Parque María Cristina da Caridá volverá encherse de oficios, sabores, música e tradición os próximos días 4 e 5 de xullo
Desde o pasado martes desenvolvéronse distintas competicións deportivas, entre elas os tradicionais torneos 3x3 de fútbol e baloncesto e un campionato de xadrez, nos que participaron preto de 300 mozos e mozas. Villares sinalou que esta convocatoria “é xa un clásico na vila e axuda a proxectar a oferta do Espazo Xove, un punto de encontro para a mocidade que ao longo de todo o ano ofrece distintas propostas de lecer, formación e participación adaptadas aos seus intereses”.
O xoves haberá unha gran sardiñada no Campo da Pascua e o venres dedicarase ao Día do Neno con atraccións a prezos populares. A organización corre a cargo da Comisión de Festas de San Xoán de Covas coa colaboración das administracións locais e autonómicas.
O delegado gabou o traballo realizado polo Motoclub A Cadeira para dar continuidade a esta proposta logo do éxito do pasado ano, “deixando claro desde a primeira convocatoria o seu poder de atracción e o importante papel de dinamización económica e social que xogan iniciativas deportivas e lúdicas como esta”. Na programación destacan a subida nocturna ao monolito da Cadeira, os simuladores de pilotaxe de moto GP e a exhibición de Stunt3Show, ou unha ruta turística. Ademais, houbo sesións vermú, música en directo, sorteos de premios, acampada gratuíta -cuberta e exterior- e food trucks, entre outras actividades.
A edición deste ano incorpora un novo formato organizativo: as sesións vermú ampliaranse a tres horas na Praza da Constitución e todas as verbenas trasladaranse ao Campo da Feira para mellorar a loxística e facilitar a montaxe dos espectáculos, especialmente nun ano con formacións de gran formato. O programa musical combina orquestras, grupos e DJs para públicos de todas as idades, con citas destacadas como Panorama City, Paris de Noia, Los Satélites, Costa Dorada ou a xira campestre con diferentes propostas ao longo de varios días. Desde o Concello subliñan que as festas son un espazo de encontro para a veciñanza e para quen regresa a Vilalba nestas datas, e que o obxectivo é ofrecer unha programación equilibrada e pensada para que cada persoa atope o seu lugar nunhas patronais que forman parte esencial da identidade da vila.
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
