Barreiros, 29 de outubro de 2013. A Universidade Rural de Barreiros xa é unha realidade. Este luns comezou a semana de portas abertas nas escolas de Vilamartín Pequeno e non puido ser de mellor xeito. 25 persoas participaron activamente na clase impartida polo enxeñeiro agrícola Óscar Antón Pérez García, que debullou o contido da semente de Enxeñaría do Medio Rural que se impartirá todos os luns, ás 20horas, nas escolas da parroquia.
Hoxe tócalle o turno á escola de Vilamar, que acollerá a semente de Ciencias da Saúde nunha clase impartida por Sonia Zubillaga e Ánxela Fernández. Mañá, mércores, será Celtia Traviesas quen comece coa semente de Xornalismo e opinión pública nas escolas de Cabarcos e o xoves, rematará esta semana de portas abertas coa semente de Ciencias xurídicas, sociais e económicas que se iniciará con unha clase a cargo de Ana Ermida, no Canteiro de Benquerencia. A semente de Produción artística e publicidade, que se impartirá nas escolas de Celeiro, non comezará ata o vindeiro venres, 8 de novembro, cando será a xornada de portas abertas; ao coincidir este venres 1 día festivo.
Nesta semana a asistencia é libre e non será ata as clases da vindeira semana cando o alumnado teña que entregar a ficha de matrícula, aínda que moitas persoas xa se teñen matriculado nestes días.
Encher as escolas rurais de coñecemento, obxectivo do Colectivo Cultural Ollomao
O Colectivo Cultural Ollomao valora este inicio “dun xeito moi positivo, tendo en conta que este proxecto tiña unha grande dose de innovación e se partía sen ningunha experiencia previa que puidera achegala á xente. Mais, aínda así, a xente respondeu moi ben e tomou parte xa na primeira aula desta Universidade.” Como exemplo do que pretenden con esta iniciativa, poñen a xornada de onte á noite: “Vilamartín Pequeno é unha parroquia de aproximadamente 50 veciñas e veciños, na que as actividades das que poden disfrutar nas súas escolas son moi escasas e, cando menos, sen continuidade no tempo e, con todo, onte á noite había 25 persoas enchendo a aula desa escola que volve a ter o ensino como a súa razón de ser”, explica Tamara Rubiños Varela. “Vendo a fantástica acollida que tivo a iniciativa na súa primeira xornada podemos concluír que a sociedade barreirense está demandando este tipo de actividades que enchan o noso rural de vida e que lle permita a todo o mundo o acceso a uns coñecementos aos que, doutro xeito, non poderían ter accedido. Desde logo, se o proxecto piloto funciona así, plantexámonos darlle continuidade ao proxecto para vindeiros cursos.”
A obra premiada aborda a emigración galega desde unha voz feminina, e o pregón destacou o traballo colectivo e a transmisión entre xeracións dentro da Banda. Con este acto, o Concello dá inicio a unha programación festiva que nos próximos días combinará tradición, cultura, deporte e música para todos os públicos.
Durante esas xornadas realizaranse estudos xeotécnicos imprescindibles para planificar correctamente as actuacións previstas, o que require que a maquinaria e o persoal traballen directamente sobre a infraestrutura, impedindo o paso de vehículos. Recoméndase ás persoas usuarias empregar rutas alternativas durante o corte, que só permitirá o acceso ás dúas vivendas situadas na Barxa. O Concello pide desculpas polas molestias e agradece a colaboración da veciñanza.
Afirman que os accesos ao Campo da Festa resultan moi dificultosos, especialmente para persoas con carriños de nenos ou cadeiras de rodas. Critican que a obra se trasladase a esta zona xusto antes das festas, deixando outros tramos a medio facer e sen ter en conta as necesidades dun barrio que consideran “marxinado”. Sinalan tamén á alcaldesa como responsable de evitar esta situación. A veciñanza esixe un arranxo inmediato do acceso, aínda que sexa provisional, e a instalación dunha sinal luminosa na alambrada situada ao final da obra.
A actividade, dirixida pola especialista Nuria Torrado, ofreceu ás crianzas un espazo para desfrutar, moverse, xogar e aprender a conectar co seu corpo e coa respiración mediante exercicios e dinámicas adaptadas ás súas idades. No último día, a rexedora Dolores García Caramés achegouse para compartir un anaco cos participantes, escoitar as súas impresións e agradecer o traballo da monitora, incluso sumándose a algunhas das actividades. A proposta pecha cun moi bo sabor de boca, como unha experiencia para aprender, divertirse e medrar en movemento.
Ao longo destas semanas, arredor de 20 nenos e nenas iniciáronse e melloraron as súas habilidades neste deporte, desfrutando do exercicio, aprendendo e pasándoo en grande. O Concello agradece a participación da rapazada e o apoio das familias, e reafirma a súa aposta polo deporte e por ofrecer alternativas de ocio activo para os máis pequenos. A actividade estivo organizada polas Concellerías de Xuventude e Deporte e pola Oficina de Información Xuvenil.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Unha xornada de convivencia que comezará ás 11:30 h na Alameda, con misa de campaña, sesión vermú, comida, sorteo e festa ata as 19:00 h. A principal novidade é o menú con paella, sobremesa, bebida e café. Para participar é preciso vale: 7 € para persoas empadroadas e 10 € para non empadroadas e acompañantes, dispoñible nas oficinas municipais, onde tamén se pode solicitar transporte. Senllos concellos animan á veciñanza maior a sumarse a esta cita de encontro e recoñecemento.
