Lugo, 16 de outubro de 2013.- A secretaria xeral da Igualdade, Susana López Abella, e a delegada territorial da Xunta en Lugo, Raquel Arias Rodríguez, deron conta este martes da resolución da orde de axudas e subvencións a entidades locais para a promoción da igualdade, que ascenden a preto de 550.000 euros (535.548,47 euros) na provincia de Lugo.
López Abella destacou que a resolución destas axudas, que supoñen 3,3 millóns de euros a nivel autonómico, e que foi publicada recentemente no DOG, reflicte a aposta do Goberno galego pola cooperación entre municipios e a prestación conxunta de servizos. Unha cooperación pola que a Xunta seguirá apostando, convencida de que redunda nunha maior eficiencia e en beneficios para os cidadáns.
Os concellos da provincia de Lugo van percibir este ano axudas da Secretaría Xeral da Igualdade por importe de 535.548,47 euros para a posta en marcha de iniciativas en tres liñas de actuación:
• Promoción da igualdade e prevención e tratamento da violencia de xénero
• Fomento da conciliación
• Apoio aos Centros de Información da Muller (CIM).
E precisamente neste ano, co impulso a proxectos de xestión compartida, a partir do cal se primou as solicitudes presentadas conxuntamente por máis dunha entidade local fronte ás presentadas individualmente, Lugo foi a provincia de lugo onde máis concellos agrupados se presentaron a esta orde de subvención de toda Galicia, segundo destacou López Abella.
Deste xeito, 23 concellos presentaron as súas propostas mediante esta opción, conformando un total de seis proxectos. Chantada, presentou a súa solicitude agrupando co concello de Carballedo; Sarria presentou a súa solicitude agrupando con el aos concellos de Láncara, O Páramo, Paradela e Samos; na proposta de Monforte de Lemos foron tamén os municipios de Bóveda, Pantón, Pobra de Brollón, O Saviñao e Sober; co concello de Ribadeo agrupáronse os de Barreiros, A Pontenova e Trabada; co concello de Palas de Rei presentaron as solicitudes os entes de Portomarín e Antas de Ulla; e na proposta do concello de Mondoñedo ían tamén as de Lourenzá e Abadín.
Ademais, no presente ano, os municipios recibirán un pagamento anticipado do 60% do importe das axudas concedidas.
Liñas de apoio
O programa de promoción da igualdade entre mulleres e homes está destinado a medidas como actividades de coeducación dirixidas á poboación infantil e xuvenil ou elaboración de plans municipais de igualdade de oportunidades e liña de prevención e tratamento da violencia de xénero a accións de prevención deste problema e intervencións de carácter integral coas vítimas.
No caso destas achegas para fomentar a igualdade nos concellos da provincia lucense, este ano 2013 son un total de 28 municipios os que perciben unha dotación total de 68.745,74 euros para desenvolver programas de promoción da igualdade.
Pola súa banda, o programa destinado ao fomento da conciliación subvenciona todas aquelas accións que os concellos adopten coa finalidade de facilitar a conciliación da vida persoal, familiar e laboral das persoas traballadoras, como os bancos de tempo ou os plans de programación do tempo das cidades. Neste caso, os municipios da área provincial de Lugo reciben un total de 28.531,49 euros.
Por último, o programa dedicado aos CIM ten por obxecto colaborar coas entidades locais no funcionamento destes centros, coa finalidade de garantir a prestación dun servizo de información ás mulleres e promoción da igualdade, que lles proporcione asesoramento xurídico e psicolóxico; información sobre recursos específicos para mulleres, así como o desenvolvemento de calquera outra actividade que teña como obxectivo prioritario a promoción da igualdade entre mulleres e homes.
No tocante á área territorial de Lugo, a partida máis importante corresponde precisamente a esta liña para mantemento e dinamización destes espazos. Así, os concellos con CIM da provincia de Lugo (Burela, Chantada, Lugo, Mondoñedo, Monforte, Palas, Quiroga, Ribadeo, Sarria, Vilalba e Viveiro) perciben un total de 438.271,24 euros para o mantemento deste servizo.
De xeito global, no conxunto do territorio lucense, máis da metade dos concellos da provincia son beneficiarios dalgunha das axudas desta convocatoria de subvencións. En total, son 36 os concellos que perciben contías de algunha das liñas dispostas polo departamento autonómico.
López Abella destacou que a resolución destas axudas amosa o compromiso do Executivo autonómico coa cooperación entre municipios e a prestación conxunta de servizos. Unha cooperación pola que a Xunta seguirá apostando, convencida de que ofrece unha maior eficiencia e en beneficio para os veciños.
A obra premiada aborda a emigración galega desde unha voz feminina, e o pregón destacou o traballo colectivo e a transmisión entre xeracións dentro da Banda. Con este acto, o Concello dá inicio a unha programación festiva que nos próximos días combinará tradición, cultura, deporte e música para todos os públicos.
Durante esas xornadas realizaranse estudos xeotécnicos imprescindibles para planificar correctamente as actuacións previstas, o que require que a maquinaria e o persoal traballen directamente sobre a infraestrutura, impedindo o paso de vehículos. Recoméndase ás persoas usuarias empregar rutas alternativas durante o corte, que só permitirá o acceso ás dúas vivendas situadas na Barxa. O Concello pide desculpas polas molestias e agradece a colaboración da veciñanza.
Afirman que os accesos ao Campo da Festa resultan moi dificultosos, especialmente para persoas con carriños de nenos ou cadeiras de rodas. Critican que a obra se trasladase a esta zona xusto antes das festas, deixando outros tramos a medio facer e sen ter en conta as necesidades dun barrio que consideran “marxinado”. Sinalan tamén á alcaldesa como responsable de evitar esta situación. A veciñanza esixe un arranxo inmediato do acceso, aínda que sexa provisional, e a instalación dunha sinal luminosa na alambrada situada ao final da obra.
A actividade, dirixida pola especialista Nuria Torrado, ofreceu ás crianzas un espazo para desfrutar, moverse, xogar e aprender a conectar co seu corpo e coa respiración mediante exercicios e dinámicas adaptadas ás súas idades. No último día, a rexedora Dolores García Caramés achegouse para compartir un anaco cos participantes, escoitar as súas impresións e agradecer o traballo da monitora, incluso sumándose a algunhas das actividades. A proposta pecha cun moi bo sabor de boca, como unha experiencia para aprender, divertirse e medrar en movemento.
Ao longo destas semanas, arredor de 20 nenos e nenas iniciáronse e melloraron as súas habilidades neste deporte, desfrutando do exercicio, aprendendo e pasándoo en grande. O Concello agradece a participación da rapazada e o apoio das familias, e reafirma a súa aposta polo deporte e por ofrecer alternativas de ocio activo para os máis pequenos. A actividade estivo organizada polas Concellerías de Xuventude e Deporte e pola Oficina de Información Xuvenil.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Unha xornada de convivencia que comezará ás 11:30 h na Alameda, con misa de campaña, sesión vermú, comida, sorteo e festa ata as 19:00 h. A principal novidade é o menú con paella, sobremesa, bebida e café. Para participar é preciso vale: 7 € para persoas empadroadas e 10 € para non empadroadas e acompañantes, dispoñible nas oficinas municipais, onde tamén se pode solicitar transporte. Senllos concellos animan á veciñanza maior a sumarse a esta cita de encontro e recoñecemento.
