Ribadeo, 7 de outubro de 2013. Ata 20 especies de aves se poden observar na ría de Ribadeo, segundo a información que se inclúe na páxina web http://birding.ribadeo.org/ Este novo proxecto do Concello de Ribadeo e da Deputación de Lugo pretende dar a coñecer a riqueza ornitolóxica desta zona e atraer a turistas desde o outono ata a primavera. Ribadeo Birding inclúe unha ruta con 13 puntos, a ambos marxes da ría, para poder avistar a todas as especies que chegan a esta zona a invernar ou a descansar antes de seguir viaxe ata o sur da península ou ata África.
A concelleira de Desenvolvemento Local e Turismo, Ana Martínez, lembrou que “Ribadeo Birding é unha iniciativa que xurde no traballo das mesas microsectoriais de turismo, que durante este inverno e coa axuda da Deputación de Lugo estivemos a levar adiante co sector turístico. Este produto o que busca é desestacionalizar un pouco o turismo, como xa fixemos coa presentación dos bonos gastronómicos”. A edil nacionalista dixo que “se trata dunha iniciativa orientada á promoción de toda a riqueza natural que ten a ría de Ribadeo, de todo o que esta ría lle pode ofrecer ao visitante. Hai que lembrar que a ría de Ribadeo ten varias proteccións de importancia e hai unha moi importante que é que está dentro do convenio internacional Ramsar, é a única zona da provincia de Lugo incluída no mesmo e unha das cinco de Galicia. É importantísima polo avistamento de aves”.
Martínez sinalou que “aproveitando toda esta riqueza da nosa ría arrincamos con este Ribadeo Birding. A Ribadeo chegan a invernar un número importante de aves. E xa que falamos de inverno falamos de desestacionalizar, é un visitante que se move desde o outono ata a primavera, cada vez está máis en auxe, move a miles de persoas non só de proximidade, senón que se desprazan do norte e do centro de Europa para ver aves que noutros lugares non poden observar. Así xurdiu Ribadeo Birding”.
A concelleira de Turismo engadiu que “fixemos unha páxina web, onde non só podemos ver as especies que están en Ribadeo e consultar para a súa observación e os puntos máis importantes para velas, senón que o visitante pode informarse de actividades turísticas complementarias e de aloxamentos. Incluso o proxecto está aberto a que a xente das distintas empresas turísticas e hostaleiras que queiran poñer a disposición dos visitantes as súas propostas gastronómicas, de pernoctación ou das actividades que organizan a que poidan presentarnos as súas ofertas e que estas aparezan recollidas na páxina web. A web está en tres idiomas: galego, castelán e inglés, neste último caso pensando nese turista estranxeiro que se pode achegar cara Ribadeo entre outono e primavera e a maiores temos un soporte en papel no que a xente pode ir marcando a ruta a seguir. Nel aparece un mapa no que se poden ir vendo os principais lugares de avistamento de aves”.
Martínez subliñou que “debemos buscar, captar, entreter e motivar dun xeito sostible a ese turista que pode chegar a Ribadeo para disfrutar do noso inverno”.
Na web recóllese que si por algo destaca a ría de Ribadeo é por ter unha especial importancia para as aves. Durante o inverno, convértese en refuxio para unha gran variedade de especies que veñen dende o norte de Europa en busca de climas máis benignos para pasala estación fría. Moitas delas utilizan a ría coma un lugar de parada no que descansar e repoñer forzas, antes de continuala súa viaxe cara ós seus cuarteis de inverno (sur da Península ou África).
Pola contra, outras moitas elixen a nosa ría coma o seu destino definitivo, converténdose no seu lugar de invernada. Nesta época destacan polo seu gran número os grupos de limícolas, gaivotas, garzas, e moi especialmente as anátidas, con grandes concentracións de pato rabilongo (Anas acuta), lavancos (Anas platyrhynchos), asubiadores (Anas penelope) ou cercetas (Anas crecca). De tódolos xeitos, aínda que esta sexa a época con máis abundancia de aves debido á chegada das invernantes, durante todo o ano os afeccionados á ornitoloxía poden gozar da observación, posto que nas distintas épocas de paso migratorio, ou mesmo no verán, se poden ver outras especies novas procedentes doutras latitudes, que se suman ás que durante todo o ano viven aquí.
O actor e humorista continuará a súa xira pola comarca e presentará esta mesma proposta en Burela o venres 27 de marzo, ás 21:00 horas, na Casa da Cultura. O monólogo combina imaxes e historias, con contidos novos e outros xa coñecidos, sempre cun humor moi persoal. A función está recomendada para maiores de 14 anos e as entradas, a 5 euros, poderán adquirirse no despacho de billetes desde unha hora antes. O evento conta coa colaboración do Concello de Burela, a Xunta de Galicia, a Agadic e a Rede Galega de Teatros e Auditorios.
A Guía Repsol destaca 24 locais galegos como Soletes de primavera para gozar nesta Semana Santa. Galicia suma xa 357 establecementos recoñecidos con este distintivo, que non se renova nin se revalida, senón que se concede como categoría única. Na provincia de Lugo figuran seis Soletes: ‘Caserío Meiroi’ (Navia de Suarna), ‘Ebos’ (Vilalba), ‘Faragullas’ (Mondoñedo), ‘La Salina’ (Sarria), ‘Ramón’ (Lugo) e ‘Trespés’ (Monforte de Lemos).
López agradeceu á Academia Galega do Audiovisual por escoller Lugo e destacou a importancia do evento para visibilizar o talento local e o apoio provincial ao sector. A gala contou cunha ampla representación lucense: Nuno Pico e Xaime Miranda polo videoclip Antes fun moi malo; Fran Fórneas e Sergio Marey por Ferido do Xoán; Sabela Ramil e Andrea Mesa por Non cho podo dar; o dúo Fillas de Cassandra; e o burelés Breixo Llano, do equipo de Cos pés na terra. Ademais, a película Sirāt, do naviego Oliver Laxe, foi unha das grandes favoritas con 14
O acto institucional, celebrado este venres, contou coa participación da directora xeral de Igualdade do Principado e coa música de Clandestías.
Habilitarase o Rego das Flores. Desde o Concello recoméndase á cidadanía ter en conta esta incidencia nos seus desprazamentos mentres se manteña a restrición.
A cita celebrarase en Burela entre os días 4 e 6 de setembro, e xa están confirmadas preto dunha ducia de actuacións, entre elas as de Arume, Depedro, Éxtasis, Gara Durán, Juventude o La Milagrosa. O Goberno galego vén cooperando cos organizadores do festival, “que alcanza a súa duodécima edición consolidado como un motor de dinamización económica y cultural para a localidade”, afirmou Arias.
Será un concerto acústico e intimista, pensado para gozar da súa música nun formato próximo. Entrada libre ata completar aforo.
