A Federación Galega de Dano Cerebral (FEGADACE) resolveu conceder ao programa da Radio Galega ‘Convivir en Igualdade’ o seu I Premio FEGADACE. Este galardón nace como recoñecemento ao labor de difusión da problemática das persoas con Dano Cerebral Adquirido (DCA) e das súas familias, e entregarase no II Foro de Familias de persoas con dano cerebral.
A condutora de ‘Convivir en Igualdade’, Clara de Sáa, amosou a súa satisfacción en representación de todo o equipo do programa. Con este premio, a Federación recoñece o particular esforzo do programa por comprender a situación tanto das persoas con discapacidade como das asociacións que as representan, e o empeño por informar e concienciar sobre a nosa diversidade e problemática á sociedade galega.
‘Convivir en Igualdade’ é un programa radiofónico que se emite diariamente na Radio Galega. De contido social, dedica boa parte do seu espazo nas ondas ao traballo das asociacións do terceiro sector, con especial atención ás entidades de persoas e familiares con discapacidade.
O I Premio FEGADACE vaise entregar durante o acto de clausura do II Foro de Familias de persoas con dano cerebral, que a Federación organiza en Santiago de Compostela o sábado 19 de outubro. Este segundo Foro, que vai ter lugar na Facultade de Psicoloxía da USC, está dedicado a ‘As familias de persoas con Dano Cerebral Adquirido: soporte e acción’, e pretende afianzar o punto de encontro e de posta en común anual que se inaugurou en 2012.
O Premio FEGADACE ten a súa orixe nos recoñecementos entregados o ano pasado pola Federación a diferentes persoas especialmente implicadas no traballo diario das asociacións galegas de dano cerebral. Estes recoñecementos institucionalizáronse a través do galardón que se estrea agora, e que cada ano recoñecerá o traballo e traxectoria dun axente social implicado na defensa e no traballo de sensibilización sobre o dano cerebral adquirido.
FEGADACE fará público nos próximos días o programa do II Foro de Familias. Este encontro celébrase este mes coincidindo coa conmemoración do Día do Dano Cerebral cada 26 de outubro. A Federación quixo adiantar a cita ao día 19 para ceder ás súas asociacións o espazo para a realización de actividades conmemorativas e de defensa das persoas con dano cerebral.
FEGADACE constituíuse en 2007 polas cinco asociacións de dano cerebral que traballan en Galicia: ADACECO na Coruña, ADACE en Lugo, Alento en Vigo, Renacer en Ourense e Sarela en Santiago. O seu obxectivo é contar cunha plataforma común de interlocución, coordinación e divulgación das necesidades do colectivo de persoas con dano cerebral adquirido.
O domingo 20 de decembro a Praza César Chavarría acollerá de 11:00 a 20:00 horas unha nova edición do Mercadiño de Nadal organizado polo Concello de Lourenzá, “unha cita para desfrutar do ambiente destas datas e compartir unha xornada especial na nosa vila”, anuncia a alcaldesa, Rocío López. O prazo de inscrición para instalar cun posto xa está aberto e a participación é totalmente gratuíta. As solicitudes poden facerse ata o 16 de decembro nas oficinas do Concello de Lourenzá ou a través do teléfono 982.121.006.
Durante 45 minutos, tres malabaristas —Pablo Reboleiro, Aitor Garuz e Santiago Montero— mergúllanse nun caos divertido onde ninguén manda e todo flúe entre xogos de poder, equilibrios imposibles e humor. A obra amosa como, no mundo dos malabares, romper os patróns establecidos pode levar a descubrir que a verdadeira maxia está en aprender a xogar xuntos.
No encontro, abordáronse temas como a posibilidade de colaborar na mellora da formación dos traballadores, destacando a importancia que ten ese aspecto neste sector estratéxico para Galicia. Tamén se trocaron puntos de vista relativos ás condicións laborais dos profesionais do mar.
A variada oferta de produtos de artesanía e de alimentación de temporada e proximidade á venda complementouse con degustacións de minihamburguesas de carne de raza Limiá e empanada de carne de porco celta e tenreira de raza Caldelá, que se repartiron gratuitamente entre as peroas que fixeron algunha compra no Mercadiño.
Os cortes produciranse do punto quilométrico 2,800 ao final da vía. Habilitaranse desvíos alternativos que estarán debidamente sinalizados.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
