Santiago, 16 de outubro de 2013.- O voceiro do Mar do Grupo Popular, Jose Manuel Balseiro formulará na Comisión de Pesca e Marisqueo do Parlamento de Galicia -prevista para este venres día 18- dúas iniciativas de relevancia no ámbito pesqueiro, como son o debate e votación dunha iniciativa instando á Xunta a apoiar a sinatura do novo acordo pesqueiro entre a UE e Marrocos e a interpelación a responsables da Consellería do Medio Rural e do Mar ante a previsión de Bruxelas de prohibir a actividade das flotas de arrastre e enmalle de fondo.
NOVAS OPORTUNIDADES EN MARROCOS
Balseiro quere que o Parlamento de Galicia inste á Xunta e ao Ministerio a proseguir as xestións diante das autoridades comunitarias para conseguir a ratificación definitiva do acordo de pesca asinado entre la UE e o Reino de Marrocos
O deputado popular explica que este pacto internacional permitirá á flota comunitaria, principalmente española, regresar aos caladoiros que xestiona o Goberno marroquí e que foron pechados fai case dous anos polos problemas para renovar o convenio anterior.
O novo acordo garantirá a actividade a un centenar de buques españois, na súa maioría de carácter artesanal, con máis de 700 tripulantes, principalmente de Andalucía, Canarias e Galicia. Só da nosa comunidade viñan operando nese caladoiro 16 barcos galegos: 5 arrastreiros e 11 palangreiros de fondo.
O acordo de pesca fraguado tras nove meses de intensivas negociacións supón unha mellora con respecto ao acordo anterior, xa que se aumentaron as posibilidades de pesca, o que incidirá de xeito positivo na rendibilidade da flota e confírelle a esta unha enorme importancia económica, social e política
Queda pendente por parte da UE para a entrada en vigor, a súa firma e ratificación polo Consello de Ministros e o Parlamento da UE; neste último, é onde o Goberno centra as súas actuacións para que finalmente o protocolo entre en vigor e non se produzan sorpresas como aconteceu en decembro de 2011.
AUGAS PROFUNDAS
Balseiro tamén quere coñecer a posición da Xunta ante a proposta da Comisión Europea pola que se pretende prohibir, de xeito gradual, o uso das artes de pesca de arrastre e de enmalle nas pesquerías de augas profundas.
Quere que o Goberno galego aclare cales son as xestións que se desenvolveron e teñen previsto levarse adiante ante as institucións comunitarias para frear esta proposta e que a Xunta certifique o impacto que unha decisión destas características provocaría nun amplo sector da flota galega composto por máis de 300 embarcacións en Galicia que dan emprego directo a entorno a 2.500 profesionais.
Foi cunha visita a unha casa tradicional na Madanela, con demostración do funcionamento dun muíño de auga incluído, e cunha merenda. Foi unha excelente ocasión para que persoas doutras terras que, ou ben están de paso por Ribadeo, ou xa se estableceron na Mariña, puideran coñecer un pouco máis dos nosos costumes, apeiros de labranza, organización do territorio, etc. Como non podía ser menos neste ano dedicado as cantareiras, dedicamos una parte da tardiña a dar vida a cantigas populares, que durante o curso comentaron nas aulas de galego.
Con fotografías das fotoxornalistas Pepa Losada, María Mon Geada e Aida López. Terá lugar este venres 30 de Maio as 20,00 horas.
Un recoñecemento que certifica a calidade ambiental, a accesibilidade e o compromiso coa sustentabilidade dun dos principais recursos turísticos do concello. Esta Senda, que percorre boa parte do litoral naviego, volveu a ser distinguida polo programa Carreiros Azuis de ADEAC (Asociación de Educación Ambiental e do Consumidor).
O percorrido guiado por Ana Pena permitirá aos participantes conectar o camiño do Foxo co paseo litoral visitando os recunchos máis salientables como a curiosa "Tableta de Chocolate", os asentamentos castrexos, os obxectos atopados e a importancia que tivo e ten Cabo Burela. Unha boa oportunidade para coñecer o patrimonio de Burela que ademais estará en festas coincidindo ese día coa confección das alfombras florais. O paseo circular de 4,5 km comezará ás 11:00h. Todo aquel que esté interesado deberá anotarse no 654 99 68 57. A visita ten un custo de 10€ para os maiores e 5€ para os pequenos.
Recibiron diplomas e lotes de libros. Todos participarán na fase provincial. A edil felicitounos e animounos a seguir creando: “grazas a todas e a todos por participar. Anímovos a seguir creando, xa sexa a través da escritura ou do debuxo, xa que vos axudará a medrar como persoas”.
O Xebra! foi inaugurado en 2013 durante as festas patronais. Ano a ano, a axenda da asociación complementou cos seus concertos a programación dos días grandes da vila. Desta volta, o evento chega a unha cifra especial. Celebraranse os doce anos cun cartaz cunha pinchada colectiva das socias e os concertos do dúo punk Pladür e o DJ Signora Anido. A entrada do venres será de 2€ para socias e 3€ para non socias, mentres que a do sábado será de 8 e 10 euros, respectivamente. O local abrirá a partir das 22:30 horas.
Este xoves 29 de maio, ás 20,30h., na Biblioteca Municipal El Viejo Pancho de Ribadeo, a A.C. Francisco Lanza organiza a presentación da novela xuvenil "Cartas na escuridade", de Lois Pérez. Este relato xuvenil levou o premio de Literatura Xuvenil María Victoria Moreno. Teresa González Piñeiroa, profesora de Lingua e Literatura Galegas no IES de Ribadeo Dionisio Gamallo, vai conducir o acto.
