Burela, 3 de outubro de 2013. Nas últimas horas tivo lugar a presentación do curso 2013/14 da Escola Municipal de Música que conta con 110 alumnos e alumnas matriculados, o que supón unha lixeira subida con respecto á pasada tempada e “mantéñense as mesmas áreas, as mesmas materias e os mesmos instrumentos que o curso anterior, o que significa que o Concello está a facer un esforzo importante cos cartos de todos para manter a escola, que se fundou co PP gobernando no Concello de Burela”, segundo o alcalde, José Mª González Barcia.
O rexedor e a concelleira de Educación e Cultura, Mónica Pedre, sinalaron que “desde o Concello apoiamos o proxecto educativo e formativo da Escola Municipal de Música porque temos moi claro que a actividade musical contribúe á formación integral das persoas, neste caso aos alumnos e alumnas que asisten a este centro”.
González Barcia contou que “na xuntanza se plantexaron algunhas cuestións relativas ás taxas que pagan aos alumnos/as matriculados na Escola de Música e vaise facer unha especie de comisión mixta entre a asociación de pais, a escola e o Concello para analizar dito asunto”.
Pedre e Barcia amosáronse satisfeitos “co rendemento que se está a dar na Escola Municipal de Música, polo nivel que están a adquirir os rapaces e polas importantes actividades que de xeito paralelo se están a organizar desde o propio centro”. E puxeron coma exemplo que “o curso interdisciplinar e este ano, coincidindo coa festa castrexa, estreouse unha peza música teatral A viaxe de Brandan, sobre a cultura castrexa en Burela. Son dous eventos importantes que reforzan o traballo que se está a realizar desde a escola. Todo o noso apoio desde o Concello á escola como proxecto, ao profesorado e aos pais e nais porque están a participar de xeito moi activo nas actividades da escola”.
Durante esas xornadas realizaranse estudos xeotécnicos imprescindibles para planificar correctamente as actuacións previstas, o que require que a maquinaria e o persoal traballen directamente sobre a infraestrutura, impedindo o paso de vehículos. Recoméndase ás persoas usuarias empregar rutas alternativas durante o corte, que só permitirá o acceso ás dúas vivendas situadas na Barxa. O Concello pide desculpas polas molestias e agradece a colaboración da veciñanza.
Afirman que os accesos ao Campo da Festa resultan moi dificultosos, especialmente para persoas con carriños de nenos ou cadeiras de rodas. Critican que a obra se trasladase a esta zona xusto antes das festas, deixando outros tramos a medio facer e sen ter en conta as necesidades dun barrio que consideran “marxinado”. Sinalan tamén á alcaldesa como responsable de evitar esta situación. A veciñanza esixe un arranxo inmediato do acceso, aínda que sexa provisional, e a instalación dunha sinal luminosa na alambrada situada ao final da obra.
A actividade, dirixida pola especialista Nuria Torrado, ofreceu ás crianzas un espazo para desfrutar, moverse, xogar e aprender a conectar co seu corpo e coa respiración mediante exercicios e dinámicas adaptadas ás súas idades. No último día, a rexedora Dolores García Caramés achegouse para compartir un anaco cos participantes, escoitar as súas impresións e agradecer o traballo da monitora, incluso sumándose a algunhas das actividades. A proposta pecha cun moi bo sabor de boca, como unha experiencia para aprender, divertirse e medrar en movemento.
Ao longo destas semanas, arredor de 20 nenos e nenas iniciáronse e melloraron as súas habilidades neste deporte, desfrutando do exercicio, aprendendo e pasándoo en grande. O Concello agradece a participación da rapazada e o apoio das familias, e reafirma a súa aposta polo deporte e por ofrecer alternativas de ocio activo para os máis pequenos. A actividade estivo organizada polas Concellerías de Xuventude e Deporte e pola Oficina de Información Xuvenil.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Trátase dun espazo seguro, educativo e dinámico, no que os máis pequenos poden comezar o día antes da entrada ás aulas. As solicitudes poden presentarse no Concello de Cervo ou na Casa da Cultura, e o servizo comezará o 9 de setembro. Cervo Madruga, un programa pensado para seguir apoiando ás familias do municipio.
A festa, organizada pola Asociación Alameda co apoio do Concello de El Franco, inclúe unha mesa redonda o venres 28 en El Fornello e, xa o sábado, un taller de baile infantil ás 21:00 h seguido das actuacións de El Cabazo, Herbamora, Dervish, Felpeyu e Ochobre. El Franco destaca o valor desta tradición e anima a veciños e visitantes a participar nun evento que leva máis de catro décadas celebrando música, baile e patrimonio cultural.
