A Mariña, 12 de outubro de 2013.A Asociación de Emigrantes Retornados da Mariña reuniuse, na tarde do venres no Salón de Actos do CENIMA de Foz a fin de informar dos últimos acontecementos que se teñen dado en relación coa súa problemática e demandas así como dos próximos pasos a dar para conseguir os seus obxectivos.
A Asociación de Emigrantes Retornados da Mariña saíu da reunión cun plano de traballo tanto a nivel local e comarcal da Mariña, que consistirá, principalmente, na convocatoria de mobilizacións para a paralización das sancións aos emigrantes, así como en acudir a todos aos plenos nos concellos da comarca onde se debata esta moción para defender a súa postura; como dos actos que ten fixados a nivel galego pola Plataforma que remata de constituírse cun número importantes de colectivos e da que nos formamos parte. Neste sentido, a Asociación de Emigrantes Retornados da Mariña porá a disposición dos afectados da comarca autobuses para asistir á manifestación convocada en Santiago de Compostela para o vindeiro martes día 15.
O vindeiro martes 15 de Outubro ás 10 da mañá a totalidade das Plataformas de Emigrantes Retornados de Galiza temos convocado a nosa primeira mobilización de ámbito nacional que se celebrará en Santiago de Compostela e que terá remate diante do Parlamento de Galiza.O obxectivo das Plataformas, tamén o do Colectivo de Emigrantes Retornados da Mariña, é xuntar o maior número de persoas posíbeis na referida convocatoria a fin de facerlle ver a nosa forza ao Goberno Galego a fin de que pasen a apoiar as demandas e en definitiva se proceda a modificar o criterio da Axencia Tributaria de sancionarnos, mesmo indo nalgún caso como se explicou na xunta do Venres co que establece a lei.É hora de que o goberno cese nas multas contra nos, é hora de que se paralicen as sancións e os intereses de demora abusivos, é hora de demandar un mesmo trato fiscal para aqueles que nos gañamos a nosa pensión na emigración que no País, en definitiva, todo isto é posíbel coa nosa unidade e coa nosa loita. A tal fin poñemos no teu coñecemento que haberá autobuses desde os Concellos da Mariña para acudir a concentración de Compostela polo que vos pedimos que vos apuntedes antes do Luns chamando ao 606-630-113.
A Asociación de Emigrantes Retornados da Mariña deu o pistoletazo de saída a unha recollida de sinaturas que se vai realizar ao longo de todo o mes na Comarca e que reclama a paralización das multas e dos expedientes sancionadores, que a Axencia Tributaria poña fin aos intereses de demora nestes procedementos xa que a maioría dos emigrantes non eran coñecedores das obrigas tributarias, a devolución do diñeiro pagado, xa que no caso de Suíza e de Alemaña as sentenzas do TSXG son firmes e unánimes neste sentido e que se fixe un único réxime fiscal independetemente da orixe das pensións, isto é con independencia se teñen a súa orixe na emigración ou no País. Asemade nas próximas datas vanse iniciar as mobilizacións na propia Comarca, ben acudindo aos Plenos, Burela xa aprobou por unanimidade a proposta da Plataforma, ben convocando mobilizacións nas rúas, posto que vai ser a presión popular a que obrigue ao Ministerio de Facenda a modificar a Lei do IRPF de 2006. A vontade do colectivo mariñao é levar a mobilización até o final, posto que se agora a lei tamén se pon do noso lado, o que sempre estivo canda a nos son a xusteza das nosas reivindicacións porque nos somos emigrantes, somos traballadores e non defreudadores.
Neste sentido, dende a asociación insisten en que“debemos reparar no novo escenario que se abre para a loita coas últimas decisión xudiciais, xa que abren unha nova fronte de loita que debe ser reforzado pola mobilización social, a fin de presionar e facer efectiva unha resolución xusta. Son tempos de loita, de seguir sumando apoios e de manternos unidos, xa que este vai ser o camiño para obrigar ao goberno do Estado e de xeito moi particular a Facenda a mudar de posición paralizando as sancións e definindo un mesmo modelo de tributación para os emigrantes con independencia da orixe das rendas das súas pensións. Xa só nos queda solicitarvos que fagades extensíbel esta convocatoria a todos os emigrantes retornados que coñecedes e que os convidedes a esta reunión, reunión que volverá a ser aberta como todas as que mantivemos até hoxe e que parte da consideración de que a grande maioría dos afectados por esta medida descoñecen a súa situación procedimental até o punto de saber das súas obrigas tributarias”.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
O campo de fútbol do Cascabeiro acolleu o pasado sábado a III Festa do Mexillón, organizada polo Celta Barreiros. Centos de persoas achegáronse a gozar dunha tarde de gastronomía e de música. En total foron servidas 670 racións entre veciñanza e visitantes, que saborearon mexillóns e lacón. Os organizadores amosasen satisfeitos da acollida: “estamos contentos pola boa resposta dos asistentes”. E tiveron palabras de agradecemento “para os Concellos de Barreiros e de Foz pola boa colaboración”.
Familias, amizades e persoas de todas as idades viviron cada xogada e cada aplauso, evidenciando que o fútbol é tamén unha oportunidade para fortalecer a convivencia e a unión da veciñanza. O municipio felicitou á Selección Española polo seu título mundial, un éxito histórico que fixo vibrar a toda a comunidade.
O acto está organizado pola Asociación de Irmandade Locudy, nunha proposta cultural que pon o foco na relación entre Galicia e Bretaña a través da figura de Castelao.
Era o único ocupante do vehículo. O 112 Galicia tivo coñecemento do accidente uns minutos despois das 10:00 horas deste domingo. Segundo indicou un particular, un coche caera por un desnivel duns 20 metros no quilómetro 2 da LU-P-6104. Desde a Sala de Operacións do 112 Galicia informouse ao Servizo de Urxencias Sanitarias de Galicia-061, aos Bombeiros de Barreiros, á Garda Civil de Tráfico e á Agrupación de Voluntarios de Protección Civil de Trabada. Unha vez no punto, os servizos de emerxencias indicaron que había unha persoa falecida, único ocupante do vehículo, sen que nada se puidera facer por salvarlle a vida.
A cita, consolidada como un referente do verán cultural no municipio, reuniu na Praza dos Campos á formación anfitriona do encontro, a Agrupación La Sidrina, de Lugones (Asturias) e o Grupo Folklórico Estampas de México. A programación continuou o sábado coa celebración do Festival Folklórico Infantil. Villares puxo en valor o labor que o grupo Mistura desenvolve durante todo o ano na conservación e difusión do patrimonio cultural galego, así como a importancia de iniciativas coma este festival “para manter vivas as tradicións e dinamizar a vida social e cultural dos nosos concellos”.
A eucaristía, un dos actos centrais das festas patronais de Foz, continuou coa tradicional procesión e coa ofrenda floral en memoria das persoas falecidas no mar. A mandataria provincial formou parte da comitiva xunto a numerosos veciños e veciñas, visitantes, membros da corporación municipal e a pregoeira desta edición, María Nelle Castro Neira, focense moi vinculada ás festas desde a infancia.
