Vista Alegre viviu este sábado a primeira gran festa de Primeira LNFS. O Burela FS Pescados Rubén conseguiu o seu primeiro triunfo na casa, nun partido frenético, cunha espectacular remontada dos laranxas na segunda parte e unha recta final de vertixe, con perigo en ambas porterías.
Aínda que o Burela FS comezou con máis forza e perigo sobre a meta rival, o Manacor soubo apretar e aproveitar as súas ocasións. Os visitantes adiantáronse no marcador no minuto 8, despois dun erro laranxa en saque de banda, que finalizou Taffy colando o esférico entre as pernas de Álex. Mata quixo igualar a contenda segundos despois, sen éxito, nun potente mísil que salvou Barrón. Intentárono Iago, revolvéndose na área, Mata, a balón parado, e incluso David Burrito e Mimi, pero de novo o acerto caeu do lado balear, co 0-2 de Joselito que superou as filas mariñás e anotou de vaselina no minuto 16. A man de Chicho nunha tentativa de Isi, no 17, propiciou o 1-2 para os galegos, coa transformación do penalti nos pes de Mata. Con este resultado chegou o tempo de descanso, cunha oportuna aparición de Álex cara a cara con Chicho, a 4 segundos do chifre.
Volveu ao terreo de xogo o Burela FS con fame de gol. Antes de cumprirse o primeiro minuto Mata puxo en pe a Vista Alegre cun potente disparo e, segundos máis tarde, volveron a ter o empate nas súas zapatillas Mata e Antoñito, nunha soa acción dende saque de esquina. Cando máis o estaban traballando o Burela FS, e despois de dúas grandes ocasións coas parellas Antoñito-Mata e Iago-Mimi, o Manacor volveu a golpear subindo o 1-3, de Chicho, no minuto 28. Lonxe de deixarse vencer, os mariñáns aínda puxeron máis corazón, pero tamén cabeza fría, e aí comezou o gran vórtice, a operación remontada. Isi reduciu distancias un minuto máis tarde (2-3), enganchando de volea un saque de esquina. Christian, saíndo victorioso de cabeza na pugna do balón cun defensa manacorí, subiu o empate no 30.
Nos dous minutos seguintes, a calidade de David Burrito acendeu a súa chama para adiantar aos locais, e por partida dobre, con espectacular ovación de Vista Alegre; o andaluz aproveitou un pase largo cruzado de Juanma para anotar o 4-3 (31) e ofreceu un recital con 5-3 (32) desarbolando en solitario pola banda á defensa visitante e sorprendendo a Barrón, que cerraba a fugaz aposta de xogo de cinco -con Joselito- pola que optara Tomás de Dios segundos antes. Continuaba a festa laranxa, co 6-3 de Matamoros, que se entendeu á perfección con Iago Míguez para culminar no 34. A nova aparición de Chicho recortando as distancias, con 6-4, segundos despois, non freou o monólogo burelista, que volveu a perforar a meta de Barrón coa denominación de orixe Matamoros, a balón parado dende lonxe (7-4, minuto 35).
A falta de tres minutos para o final, o Manacor intentou remontar con Vega como porteiro xogador, cos seus froitos: no 37, de Chicho, nunha xogada na que recibiu amoestación Isi, e no último minuto de xogo, de Taffy. A defensa laranxa conseguiu manter a renda nos últimos segundos para facerse coa primeira vitoria como local.
Ficha técnica
Burela FS Pescados Rubén: Álex, Mimi, Isi, Matamoros e Christian, quinteto inicial; tamén xogaron Iago Míguez, Antoñito, Juanma, Burrito
H. Llevant Manacor: Carlos Barrón, Vadillo, Joao, Joselito e Bruno Taffy, quinteto inicial; tamén xogaron Chicho, Vega, Manu Orellana, Lemine
Goles: 0-1, minuto 8, Taffy; 0-2, minuto 16, Joselito; 1-2, minuto 17, Matamoros; 1-3, minuto 28, Chicho; 2-3, minuto 29, Isi; 3-3, minuto 30, Christian; 4-3, minuto 31, David Burrito; 5-3, minuto 32, David Burrito; 6-3, minuto 34, Matamoros; 6-4, minuto 34, Chicho; 7-4, minuto 35, Matamoros; 7-5, minuto 37, Chicho; 7-6, minuto 39, Taffy
Árbitros: Gallo Suárez // Velasco Martínez (Asturias)
Tarxetas: Amarela, por Burela FS, a Iago Míguez (minuto 15), Mimi (minuto 27). Expulsión a Chicho, en Manacor FS, por dobre amarella (minutos 17, 39)
Incidencias: Partido correspondente á quinta xornada da Primeira División LNFS disputado en Vista Alegre. Arredor de 1.000 afeccionados/as.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
