Sto. André de Boimente, 27 de outubro de 2013.- O Centro Socio-cultural de Santo André de Boimente ven de acoller con grande éxito de participación as primeiras Xornadas Micolóxicas e Gastronómicas de Cogomelos no Buio que organizou o colectivo de mulleres Fraga das Saímas en colaboración co espazo agroecolóxico Estruga.
Os vintecinco participantes destas I Xornadas Micolóxicas déronse cita ás 10.00 horas do sábado 26 de outubro no Centro Socio-cultural de Santo André de Boimente, onde foron recibidos pola Directiva Fraga das Saímas e o Biólogo de Estruga, Marcos Besada. Logo das presentacións a Micóloga e Licenciada en Ciencias Ambientais (Rita Cid) expuxo ao longo de dúas horas as nocións teóricas básicas sobre algunhas das 165 diferentes especies de cogomelos e champiñóns existentes en Galicia, e durante a cal os participantes aproveitaron para facerlle a esta experta toda tipo de preguntas, consultas e curiosidades sobre o mundo da micoloxía. Rematada a charla o grupo partiu cara aos montes do Buio e Lerín para poñer en práctica o aprendido e coñecer de primeira man a riqueza micolóxica e valor ambiental destes montes veciñais. Logo de estar recorrendo diferentes vereas dos Montes do Buio ao longo de catro horas, cunha pequena parada para xantar no Refuxio do Candaoso, o grupo de aficionados á Micoloxía voltaron ao Centro Socio-Cultural para, un grupo dos participantes e da man da Micóloga Rita Cid, seleccionar as variedades recollidas e montar unha pequena exposición cos exemplares recolectados e outro grupo, da man do Biólogo Marcos Besada, proceder á limpeza e preparación de diferentes pratos de cociña preparados a base de boletus edulis, Macrolepiotas, Cantarelas e Boletus Bayo, para a degustación culinaria que pechou con grande éxito e satisfacción por parte dos asistentes ás I Xornadas Micolóxicas organizadas polo colectivo de mulleres de Sto. André de Boimente, as cales aproveitaron para emplazar a todos a unha vindeira edición no outono do 2014.
A exposición temporal de Cogomelos (con variedades comestibles e tóxicas), que permanecerá ata xoves 31 de outubro no Centro Socio-Cultural, está composta por coprinus comatus (apagavelas), Araricus SP (champiños de monte), Amanita ruscens (amanita vinosa), xerocomus badius (boletus bayo), suillus bovinus, Rúsula SP, Macrolepiota procera (lepiota), Sparassis crispa (colifror de monte), boletus erythropus , Leccinun scabrum (boleto das bidueiras), Boletus edulis, Lycoperdum SP, Scleroderna SP, Puxillus involutus , Lactarius deliciosus, Chysorrheus sp, Hydnum repundum (lingua de vaca), Amanita rubescens (amanita vinosa), amanita muscaria, Amanita vaginata (amanita sen anel), entre outras.
Xa para rematar, dicir que a nota discordante do día púxoa a presenza de certos grupos de persoas nos Montes do Buio cuxo único propósito non é outro que a especulación e comercialización das setas, co conseguinte expolio por parte destes foráneos que veñen a facer negocio cos cogomelos, facendo uso indebido dos montes da comunidade veciñal de San Andrés de Boimente e co argumento demagóxico de que o monte é de todos, co conseguinte total desprezo aos comuneiras e comuneiros dos montes veciñais que lles solicitan explicacións dos seus actos, créndose ademais que os amparan todos os seus dereitos individuais para invadir e expoliar os montes con total impunidade.
A Directiva Fraga das Saímas congratúlase e da a benvida a todas as persoas amantes da natureza e aficionados á micoloxía que veñen a gozar dun xeito respetuoso dos montes do Buio e aproveitan para recoller cogomelos para o seu autoconsumo e anímanos a seguir visitando as fermosas paraxes que conforman estes montes, mais expresan o seu profundo malestar e rexeitamento contra a recollida incontrolada de cogomelos con fins puramente comerciais, cousa que, desgrazadamente, está a acontecer nos últimos anos nos seus montes veciñais.
Destacou o labor da asociación xuvenil A Rumboia, que en poucas edicións converteu o evento nun referente cultural da Terra Chá e nun motor para o turismo e a economía local. O cartel inclúe Caamaño & Ameixeiras, Ulex, La Txama, Boyanka Kostova, Bea Fernandes e Lucasiito B2B Somiiux. Haberá tamén actividades para todas as idades —xogos, obradoiros, contacontos e artesanía— no campo da feira de Gontán, con entrada gratuíta.
O Parque María Cristina da Caridá volverá encherse de oficios, sabores, música e tradición os próximos días 4 e 5 de xullo
Desde o pasado martes desenvolvéronse distintas competicións deportivas, entre elas os tradicionais torneos 3x3 de fútbol e baloncesto e un campionato de xadrez, nos que participaron preto de 300 mozos e mozas. Villares sinalou que esta convocatoria “é xa un clásico na vila e axuda a proxectar a oferta do Espazo Xove, un punto de encontro para a mocidade que ao longo de todo o ano ofrece distintas propostas de lecer, formación e participación adaptadas aos seus intereses”.
O xoves haberá unha gran sardiñada no Campo da Pascua e o venres dedicarase ao Día do Neno con atraccións a prezos populares. A organización corre a cargo da Comisión de Festas de San Xoán de Covas coa colaboración das administracións locais e autonómicas.
O delegado gabou o traballo realizado polo Motoclub A Cadeira para dar continuidade a esta proposta logo do éxito do pasado ano, “deixando claro desde a primeira convocatoria o seu poder de atracción e o importante papel de dinamización económica e social que xogan iniciativas deportivas e lúdicas como esta”. Na programación destacan a subida nocturna ao monolito da Cadeira, os simuladores de pilotaxe de moto GP e a exhibición de Stunt3Show, ou unha ruta turística. Ademais, houbo sesións vermú, música en directo, sorteos de premios, acampada gratuíta -cuberta e exterior- e food trucks, entre outras actividades.
A edición deste ano incorpora un novo formato organizativo: as sesións vermú ampliaranse a tres horas na Praza da Constitución e todas as verbenas trasladaranse ao Campo da Feira para mellorar a loxística e facilitar a montaxe dos espectáculos, especialmente nun ano con formacións de gran formato. O programa musical combina orquestras, grupos e DJs para públicos de todas as idades, con citas destacadas como Panorama City, Paris de Noia, Los Satélites, Costa Dorada ou a xira campestre con diferentes propostas ao longo de varios días. Desde o Concello subliñan que as festas son un espazo de encontro para a veciñanza e para quen regresa a Vilalba nestas datas, e que o obxectivo é ofrecer unha programación equilibrada e pensada para que cada persoa atope o seu lugar nunhas patronais que forman parte esencial da identidade da vila.
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
