O BNG presentou unha moción para tratar neste pleno de outubro para que o Concello de Foz financie os medicamentos dos enferm@s crónic@s do concello que o necesiten e que estean afectados pola resolución do 10 de setembro de 2013, do Goberno do Estado, mentres a Xunta ou o Goberno do Estado non tomen a determinación de retirar esta medida.
No pasado pleno do mes de setembro xa a Corporación Municipal aprobara rexeitar este novo repago e instar á Xunta a non aplicalo no noso país, sen obter resposta algunha mentres noutras comunidades xa se negaron á implantala e están recorrendo dita resolución. Da mesma maneira, aquí en Galiza numerosos concellos están a tomar a decisión de financiar con fondos públicos do propio Concello o pago destes medicamentos porque consideran que ningún veciño seu pode quedar sen tratamento sanitario e poñer en perigo a súa saúde por cuestión de non ter recursos para pagalo. Como declarou Basanta, “hoxe en día xa son máis de 25 os concellos de Galiza que apoiaron esta medida e Foz será o seguinte. Isto ten que converterse nunha marea de rexeitamento ás políticas regresivas e antisociais que están a practicar os gobernos do PP, tanto no Estado como na nosa terra”.
Este novo imposto á enfermidade que quere aplicar o Goberno do Estado do PP pode levar consigo consecuencias moi graves para as persoas que estean nunha situación de precariedade posto que estamos a falar de medicamentos para o tratamento de enfermidades graves como cancro -tamén quimioterapia-, tumores, leucemia, hepatite C, artrite reumatoide, dexeneración muscular, entre outras. Estamos a falar de persoas na maioría dos casos polimedicadas e pensionistas para as cales este novo repago, este novo imposto á enfermidade, supón unha carga moi importante na súa economía, ata o punto de ter que renunciar a cousas básicas para poder seguir o tratamento ou renunciar ao tratamento para poder subsistir. Nalgúns casos pode chegarse a pagar máis de 100 euros ao mes e no caso de enfermidades raras máis de 500 euros ao mes.
Esta medida vai significar o sacrificio e sufrimento para moitas persoas. É indigna, inhumana, inxusta, e retrata un goberno que actúa contra a xente e a prol das grandes fortunas e do poder económico. Velaquí un novo roubo que forma parte dunha estratexia deseñada para facer caixa a costa das persoas máis desfavorecidas, das persoas que adquiriron preferentes e subordinadas, das emigrantes retornadas, pensionistas, empregados públicos, da clase traballadora, para seguir engordando as sacas da banca, das grandes corporacións empresariais e do capital financeiro. Para Basanta “esta é unha nova medida contra os máis débiles, contra os que máis sofren. É indignante e vergonzoso que aproben isto mentres a Ministra de Sanidade, a Sra. Ana Mato, se gasta máis de 6.000 euros en confetis e globos en festas de cumpreanos”.
A obra premiada aborda a emigración galega desde unha voz feminina, e o pregón destacou o traballo colectivo e a transmisión entre xeracións dentro da Banda. Con este acto, o Concello dá inicio a unha programación festiva que nos próximos días combinará tradición, cultura, deporte e música para todos os públicos.
Durante esas xornadas realizaranse estudos xeotécnicos imprescindibles para planificar correctamente as actuacións previstas, o que require que a maquinaria e o persoal traballen directamente sobre a infraestrutura, impedindo o paso de vehículos. Recoméndase ás persoas usuarias empregar rutas alternativas durante o corte, que só permitirá o acceso ás dúas vivendas situadas na Barxa. O Concello pide desculpas polas molestias e agradece a colaboración da veciñanza.
Afirman que os accesos ao Campo da Festa resultan moi dificultosos, especialmente para persoas con carriños de nenos ou cadeiras de rodas. Critican que a obra se trasladase a esta zona xusto antes das festas, deixando outros tramos a medio facer e sen ter en conta as necesidades dun barrio que consideran “marxinado”. Sinalan tamén á alcaldesa como responsable de evitar esta situación. A veciñanza esixe un arranxo inmediato do acceso, aínda que sexa provisional, e a instalación dunha sinal luminosa na alambrada situada ao final da obra.
A actividade, dirixida pola especialista Nuria Torrado, ofreceu ás crianzas un espazo para desfrutar, moverse, xogar e aprender a conectar co seu corpo e coa respiración mediante exercicios e dinámicas adaptadas ás súas idades. No último día, a rexedora Dolores García Caramés achegouse para compartir un anaco cos participantes, escoitar as súas impresións e agradecer o traballo da monitora, incluso sumándose a algunhas das actividades. A proposta pecha cun moi bo sabor de boca, como unha experiencia para aprender, divertirse e medrar en movemento.
Ao longo destas semanas, arredor de 20 nenos e nenas iniciáronse e melloraron as súas habilidades neste deporte, desfrutando do exercicio, aprendendo e pasándoo en grande. O Concello agradece a participación da rapazada e o apoio das familias, e reafirma a súa aposta polo deporte e por ofrecer alternativas de ocio activo para os máis pequenos. A actividade estivo organizada polas Concellerías de Xuventude e Deporte e pola Oficina de Información Xuvenil.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Unha xornada de convivencia que comezará ás 11:30 h na Alameda, con misa de campaña, sesión vermú, comida, sorteo e festa ata as 19:00 h. A principal novidade é o menú con paella, sobremesa, bebida e café. Para participar é preciso vale: 7 € para persoas empadroadas e 10 € para non empadroadas e acompañantes, dispoñible nas oficinas municipais, onde tamén se pode solicitar transporte. Senllos concellos animan á veciñanza maior a sumarse a esta cita de encontro e recoñecemento.
