O BNG pide traballo real para a defensa do sector pesqueiro e non acordos para a galería

A Mariña, 12 de outubro de 2013. O BNG da Mariña esixiu ao goberno galego e estatal que exerzan aos súas funcións na defensa do sector pesqueiro galego a quen se lle impide traballar pola falta de cotas de pescada obrigando a paralizar as súas actividades a pesar da existencia de datos contrastados sobre a recuperación dos stocks. Os nacionalistas advirten de “non valen de nada acordos unánimes como o aprobado o pasado mes de setembro no parlamento galego cando despois nin o goberno galego nin o do estado son quen de facer xestións para garantir a supervivencia do sector que no caso da Mariña afecta directa e indirectamente a milleiros de persoas”

Nesta liña, os nacionalistas mariñaos, criticaron que no mes de setembro o Partido Popular levara ao parlamento esta iniciativa coa que tentou tapar a incompetencia do goberno galego e estatal para defender o dereito á pesca que a UE está levando á ruína ao non recoñecer a dependencia que ten Galiza en xeral e a comarca da Mariña en particular, de pesquerías como a da pescada con barcos xa parados por falta de cotas.

Os nacionalistas mariñaos ademais cuestionaron a política pesqueira da UE cuxas medidas e directrices van camiño de desmantelar en poucos anos todo o que Galiza leva construído arredor do mar pasando de ser unha comunidade punteira no sector pesqueiro internacional a ser noticia polo constante despezamento de barcos e a redución do sector con consecuencias gravísimas para a economía e o emprego na comarca e no país.