Burela, 10 de outubro de 2013. O Concello recibiu unha subvención de 30.550 euros para o arranxo de camiños e pistas rurais. O equipo de goberno destinará esa partida a realizar catro obras, que deberán estar rematadas antes do 30 de xuño de 2014, segundo deu a coñecer esta mañá o alcalde, José Mª González Barcia. Este acordo foi adoptado na xunta de goberno desta semana na que tamén se aprobou a obra que o Concello incluirá no POS da Deputación de Lugo deste ano.
O rexedor explicou que “o primeiro acordo ten que ver co plan de equipamentos e de infraestruturas no medio rural, o PEIM, dos anos 2013 e 2014. A Consellería de Medio Rural publicaba hai uns días a relación de axudas que os Concellos galegos terán para levar a cabo obras de acondicionamento nos camiños rurais”. Ao Concello de Burela foille concedida unha subvención de 30.550 euros para o arranxo de camiños e pistas rurais, obras que terán que estar rematadas o 30 de xuño de 2014.
González Barcia sinalou que “nós meteremos con cargo a ese plan o acondicionamento do camiño da gardería ao paso soterrado que hai nas proximidades da variante; queremos rematar o camiño das Ribeiras; imos acondicionar un camiño pola zona de Foxo e tamén o entronque da pista do Castelo coa estrada da Deputación á altura do cemiterio, unha conexión que está en moi mal estado e que agora mesmo presenta unha situación incluso perigosa para o tráfico rodado”. O rexedor burelés engadiu que “estas obras é moi probable que se realicen durante o vindeiro ano, agardaremos a que veña o bo tempo, porque a época na que estamos pode complicar todos traballos debido ao empeoramento das condicións meteorolóxicas”.
O alcalde tamén contou que “se aprobou a memoria valorada da obra que o Concello de Burela incluirá no plan de obras e servizos da Deputación de Lugo para este 2013. Trátase dun bombeo de augas residuais que imos situar nas proximidades do campo de fútbol de herba artificial e que servirá no seu día para atender o saneamento dos vestiarios e dos servizos hixiénicos que alí se queren instalar”. Esta obra ten un presuposto aproximado de 22.000 euros e está financiada ao 50% pola Deputación de Lugo e polo Concello de Burela.
“A nosa intención é que no momento no que a Deputación nos conceda a pertinente autorización poder abordar xa de forma inmediata esta actuación, porque entendemos que é unha obra moi positiva para as instalacións deportivas do campo de fútbol da Marosa, tanto no que se refire ao campo de herba artificial coma ao outro”, indicou González Barcia.
Estes recitais, protagonizados por músicos da contorna, nunca defraudan. Sen grandes nomes internacionais, pero cunha sensibilidade musical exquisita, ofrecen sempre unha experiencia artística de gran calidade. Por iso, quen asista gozará dunha nova xornada dentro do Programa Adral, que a Xunta de Cofradías promove con tanto entusiasmo.
O Concello destaca a oportunidade que supón para impulsar a hostalaría local e felicita ás persoas galardoadas pola súa contribución á gastronomía asturiana.
Este texto é o froito de varios anos de investigación e convida profesionais da educación, terapeutas e persoas curiosas a descubrir como o traballo coa arxila libera traumas e favorece unha transformación persoal profunda. Ao remate do acto servirase un viño e un pequeno petisco.
A continuación, as persoas que desexen continuar a conversa e compartir un tempo de convivencia poderán anotarse á comida que se celebrará na Casa da Penela.
Pasados dez minutos das 15 horas deste martes, un particular alertou ao 112 Galicia dun coche envorcado fóra da vía en San Martiño de Ferreiros, Pol. Aconteceu no quilómetro 3 da LU-750, e a única persoa implicada permanecía atrapada no interior. De inmediato, desde o Centro Integrado de Atención ás Emerxencias activouse un operativo no que participaron Urxencias Sanitarias de Galicia-061, os Bombeiros de Vilalba, a Garda Civil de Tráfico e os servizos de mantemento da estrada. Os bombeiros actuaron para liberar á persoa, que foi evacuada en ambulancia polos profesionais sanitarios desprazados ata o lugar.
Unha comedia orientada para público infantil escrita e dirixida por Bea Campos. Hora: 18h.
O investigador achegarase a Ribadeo para falar sobre Urraca, considerada por moitos a emperatriz de todos os galegos e galegas. A entidade xa coñece o bo facer de Picallo, pois en anteriores ocasións participou como ilustrador nas presentacións das novelas Ao sur da liberdade e Entre a vontade e o destino, de Xosé Henrique Costas, deixando unha excelente impresión. Nesta ocasión, o público poderá escoitar ao Picallo historiador, que achegará novos datos sobre o reino de Galiza, unha realidade histórica que durante anos permaneceu agochada e que hoxe se recupera grazas a publicacións e investigacións como a súa.
