Os socialistas bureleses denuncian o estado de “abandono xeral de Burela”

Dende o PSdG-PSOE de Burela, queremos denunciar como en outras ocasións xa temos feito o estado de abandono xeral do pobo de Burela. Parecéndonos grave a imaxe de deixadez que se está a mostrar, máis nos preocupan aquelas cousas que poden xerar un risco para a integridade física dos noso veciños e veciñas.

Dicimos isto en referencia a dúas situacións realmente graves e que supoñen un risco manifesto para os veciños. A primeira situación que nos parece moi grave e que se debería de arranxar á maior brevidade é a situación na que se atopa a parte superior do semáforo na Avenida Arcadio Pardiñas á altura das oficinas do Burela F.S., que ten o soporte danado e que supón un grave risco en caso de que as inclemencias do tempo fagan que caia sobre a calzada.

E a segunda situación que nos parece tamén preocupante é o estado de abandono na que se encontra a xardineira sita enfronte da estación de autobuses que obriga ós condutores a facer o stop que indica no medio do cruce, có risco de accidente que isto supón.

Dende o PSdeG-PSOE de Burela xa vimos denunciando situacións deste tipo dende fai tempo, e temos que criticar a deixadez, o “desgoberno” e a desidia que se manifesta no que di ser o equipo de goberno de Burela. Imos a recomendarlles que se deixen de tantos viaxes fóra do pobo, e se dean unha voltiña polo pobo para poder detectar estas deficiencias. Aínda que xa sabemos que lles sae máis rendible viaxar por outros lares á conta dos veciños e veciñas de Burela.