“Seguir rompendo as barreiras de accesibilidade” para dar resposta ás necesidades de todas as familias de persoas con dano cerebral, facer valer os nosos dereitos, “formalmente recoñecidos” pero non desenvolvidos, e seguir informando e sensibilizando sobre as peculiaridades da nosa discapacidade son tres dos principais obxectivos sinalados por Valeriano García, director-xerente de FEDACE (Federación Española de Daño Cerebral), para centrar o traballo das asociacións de familiares e persoas con dano cerebral.
Na charla que impartiu, sobre ‘O papel reivindicativo das asociacións’, lembrou que “o problema do dano cerebral adquirido vén coa alta” hospitalaria, cando “a familia se converte no único soporte” da persoa con dano cerebral. Teimou en que as asociacións teñen que insistir no seu carácter reivindicativo, pois “somos modelo de diálogo” á hora de facer propostas acompañando as protestas. “Temos que estar alí onde se regule calquera cousa que teña que ver co dano cerebral”, pois esta é unha discapacidade pouco coñecida mesmo dentro do propio sector.
Tamén salientou a necesidade de “facer esforzos para seguir ampliando a nosa base social”, facer que máis familias coñezan as asociacións, pois estas atenden a unha parte moi pequena das 35.000 persoas que teñen dano cerebral en Galicia.
A conferencia de Valeriano García abriu o II Foro de Familias de Persoas con Dano Cerebral Adquirido que organiza FEGADACE (Federación Galega de Dano Cerebral). O encontro inaugurábase ás dez da mañá cos discursos de José Balboa, presidente da Federación, e María Castelao, Concelleira de Benestar de Santiago, salientando o primeiro a necesidade de sobrepoñerse e seguir avanzando pese ao complicado dos tempos, e insistindo a segunda na proximidade e vontade da administración local de fortalecer a colaboración coas asociacións de dano cerebral.
Trala conferencia inicial, chegou o momento da mesa redonda ‘Falan as familias’, na que tres persoas membros das asociacións federadas en FEGADACE expuxeron a súa experiencia co dano cerebral adquirido. Loli Quintas, nai de Samuel (usuario da asociación Renacer, de Ourense), Fernando Galdo, fillo dunha usuaria de ADACE-Lugo, e Paco Girón, marido de Mª Carmen (usuaria de Alento, a asociación de Vigo), tiveron en común nos seus discursos o agradecemento ás súas entidades e a insistencia na necesidade de perseverar cos seus familiares.
Outro dos puntos en común das súas intervencións foi o recoñecemento do traballo e da vontade de rehabilitación dos seus familiares con dano cerebral. “Cando a persoa loita, nós xa non temos tanto mérito”, afirmaba Paco, mentres Loli recoñecía que o seu fillo “tirábase da cama e arrastrábase porque quería andar”. A inclusión social, o interese en seguiren adiante coas súas vidas, foi outro dos puntos comúns.
Tralas familias falaron as persoas con dano cerebral adquirido: Manuel Nogueira, usuario de ADACECO que tivo un ictus, Natalia Gestoso, membro de Sarela que sufriu un accidente de tráfico, e Mª Carmen Rivas, usuaria de Alento que tivo tamén un ictus, narraron as súas experiencias coa rehabilitación e os seus sentimentos con respecto ao dano cerebral.
Unha vez máis, tiveron en común o agradecemento ás asociacións e o seu interese tanto pola rehabilitación como polas actividades de convivencia e sociais das súas asociacións, ao tempo que sinalaron como crucial o papel dos seus contornos familiares. Manterse activos e “non dar pasos atrás nin para coller impulso”, como dixo Mª Carmen, son os seus intereses para seguir batallando coa súa rehabilitación.
Neste intre os asistentes ao Foro de Familias participan en catro grupos de traballo, e pola tarde está previsto que escoiten unha conferencia sobre a ‘Lei de Dependencia. Cara onde imos’, e presencien a entrega do I Premio FEGADACE a Convivir en Igualdade.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
