SANTIAGO. A Fegamp acordou este venres coa Xunta atrasar a aplicación do incremento do canon de tratamento do lixo ao próximo 1 de xullo de 2014, en lugar do 1 de xaneiro inicialmente previsto por Sogama. Deste xeito, o incremento non será do 34% senón do 17%, ao aplicarse en seis meses e non en doce. A subida restante atrasarase ata 2015, e dependerá tamén do novo escenario do mercado enerxético estatal froito da recente reforma do sector.
Este foi o principal acordo alcanzado na reunión que mantivo hoxe a Fegamp co conselleiro de Medio Ambiente, Transporte e Infraestruturas, Agustín Hernández. En representación da Federación asistiron o seu presidente, o alcalde de Ferrol José Manuel Rey Varela, e os vicepresidentes primeiro e segundo, Alfredo García, alcalde do Barco de Valdeorras, e Francisco García, alcalde de Allariz, respectivamente.
Para Rey Varela, “trátase dun avance moi importante e considerable”, que será trasladado á Comisión Executiva da Fegamp, convocada de maneira extraordinaria a próxima semana. “Partiamos dun incremento do 34% e agora temos unha medida paliativa” que é sensible ao difícil escenario económico que atravesan “as economías dos concellos e os veciños”.
Sobre o seu traslado ao recibo que abonan os cidadáns, o presidente da Fegamp lembrou que “cada concello ten situacións distintas, porque hai unha parte de autonomía local” que decide que repercusión ten este incremento, “xa que algúns municipios decidiron asumilo con fondos propios, outros repercutilo integramente e outros parcialmente”.
O resultado da reunión tamén foi apoiado polos vicepresidentes. Para Alfredo García, “pasamos de non falar e non aceptar o diálogo a alcanzar acordos importantes”, polo que se demostra “que a Fegamp é importante, porque podemos traballar xuntos e conseguir cousas”. “Aquí ou gañabamos todos ou perdiamos todos, e neste caso podemos gañar todos”. Para o rexedor de O Barco, “ao longo de 2014 só pagaremos a metade do que estaba previsto”.
Neste mesmo sentido pronunciábase Francisco García, que realizaba “unha valoración positiva”, á espera “de coñecer en 2014 cal vai ser o resultado da reordenación do mercado eléctrico e que repercusións vai ter”. Así, defendeu que se manteñan as actuais primas que permiten a xeración de enerxía eléctrica a través da biomasa, “e non se xeren os problemas que estamos a ter agora”.
Fegamp e Xunta tamén acordaron crear un grupo de traballo entre a Consellería, Sogama e a Federación “para estudar, planificar e decidir que modelo vai seguir este país cos residuos”, segundo adiantou Alfredo García. “Damos aos alcaldes a posibilidade de que participen nesta definición, e iso é importante”, engadiu.
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
