Burela, 13 de novembro de 2013. O alcalde de Burela, o popular José María González Barcia, anunciou oficialmente que a urbanización de Torrentes será inaugurada e aberta ó tráfico o vindeiro sábado, 16 de novembro.
José María González Barcia manifestou a súa satisfacción “por poñer a disposición do pobo de Burela, pero especialmente dos propietarios da Unidade de Actuación, unha urbanización moderna, que seguro marcará o devir das décadas futuras de Burela como no seu día aconteceu coa ampla zona que coñecemos co nome de Calles Novas”. O alcalde burelés dixo que “non todos os días se abre unha bolsa de solo urbano de algo máis de noventa mil metros cadrados, e aínda que estamos a vivir unha situación económica complexa, esta zona está chamada a ser a futura zona de asentamento poboacional de Burela. Como pasou coas Calles Novas, dentro de corenta anos será o momento de facer as valoracións pertinentes, e serán as xeracións futuras as que nos xulguen sobre o que estamos facendo no presente”.
Barcia tamén afirmou que “o tráfico debe mellorar substancialmente cos cambios que se producen. Torrentes vai axudar a desconxestionar certas rúas que nestes momentos soportan unha forte densidade de tráfico. E tendo en conta que os cambios sempre nos sorprenden, pedímoslles ós conductores que extremen a precaución durante os primeiros días, para evitar incidentes”.
O alcalde burelés manifestou que “o mesmo sábado pola mañá serán retiradas as vallas de obra, tanto as metálicas como as plásticas, e serán destapadas as sinais de tráfico instaladas que agora están inoperativas”. González Barcia afirmou que “para recibir a obra, e para abrila ó tráfico, foron colocadas máis medidas de seguridade, co obxectivo de evitar calquera tipo de problema ou en todo caso de minimizalo”.
José María González Barcia afirmou que “hoxe mesmo estamos procedendo a contratar a enerxía eléctrica e así poder abrir a urbanización con todo o que lle afecta en perfecto orden. Aínda que o alumeado público non funcionará ó cento por cento, dado que se deixarán acendidos os puntos de luz que afecten a interseccións de rúas e pasos de peóns. No restante, aplicaremos os criterios que estamos aplicando noutras zonas da vila, máxime tendo en conta que na unidade de actuación hai moi poucas edificacións. En todo caso, estas serán respectadas”.
No que se refire ó acto de inauguración, González Barcia indicou que “será un acto público, sencillo, pero cargado de significado; terá lugar á unha do mediodía do próximo sábado. Descubriremos unha placa conmemorativa na zona verde de Torrentes, e logo retiraremos simbólicamente unha valla de obra; a partires de ese momento, a urbanización quedará para uso e disfrute de todos os veciños de Burela e os propietarios dos solares poderán facer con eles o que estimen oportuno”.
O rexedor burelés fixo un percorrido pola historia desa unidade de actuación: “Torrentes estaba xa nas normas subsidiarias de planeamento de Burela de finais dos oitenta e principios do noventa. Nada se falou da mesma ata o ano 2005; naquel momento, dous propietarios presentaron un proxecto de reparcelación que o Concello tramitou cumprindo escrupulosamente a normativa vixente. En 2006 redactouse o proxecto de urbanización, obras que foron adxudicadas sendo eu alcalde en abril de 2007. O prazo de execución era dun ano, pero por razóns que outros saberán as obras non se remataron hasta que nós chegamos de novo ó concello en xuño de 2011. Tivemos que rematar a obra, facer todos os trámites no Rexistro da Propiedade, dado que non se fixera nada os anos anteriores…. E todo eso para poder recibir a obra hai dous meses, e inaugurala e abrila agora”.
González Barcia finalizou indicando que “para pechar definitivamente a tramitación administrativa da unidade de actuación aínda quedan algún flecos, son mais cuestións de xestión propiamente admistrativa ca outra cousa. Invito a todos os propietarios de Torrentes e veciños de Burela a que asistan o vindeiro sábado á apertura da urbanización, na seguridade de que a mesma redundará positivamente para Burela”.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
O sindicato denuncia a decisión unilateral da empresa de retirar días de descanso e implantar quendas que dificultan a conciliación. As concentracións serán nos centros de traballo de Foz (Uxío Novoneira s/n) e Ribadeo (Avda. Galicia 27). Lémbrase que non é unha folga e apélase á solidariedade da plantilla para defender as condicións laborais conquistadas.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
