Cervo, 22 de novembro de 2013- O alcalde de Cervo, Alfonso Villares, ofreceu este venres unha rolda de prensa xunto a varios edís do equipo de goberno para facer unha proposta construtiva na procura dunha solución á situación de Sargadelos. Villares pídelle á Deputación que destine 3 millóns de euros para axudar a Sargadelos como ben cultural da provincia de Lugo. Unha contía que o Goberno Provincial tiña previsto investir na compra do Torques de Burela e da colección de Álvaro Gil e que finalmente non se gastou porque non chegaron a acordos coa familia.
Desta forma, o Concello solicita que “os 3 millóns de euros que non se destinaron á compra do Torques de Burela se poidan redirixir para axudar a Sargadelos” explica o primeiro edil. Villares engade que “eses cartos estaban previstos para un ben cultural como o Torques, e agora pódense redistribuír para axudar a outro ben cultural como é Sargadelos, de forma que os 3 millóns de euros terían un uso similar, contribuír coa cultura da provincia de Lugo”.
O mandatario cervense asegura que “coincidimos co presidente da Deputación cando hai uns días manifestaba nos medios de comunicación que Sargadelos é un ben de interese cultural que é necesario protexer”. Neste sentido Villares asegura que o importante agora é buscar solucións “posibles e reais” para Sargadelos, “e esta saída podería ser factible, xa que se os cartos estaban dispoñibles hai un mes, cando se negociaba coa familia o pagamento dos 3 millóns de euros, igual tamén o poderían estar agora”.
Por iso, o primeiro edil solicitou no día de hoxe unha entrevista urxente co presidente da Deputación, José Ramón Gómez Besteiro, para trasladarlle persoalmente esta proposta e coñecer as súas impresións sobre a mesma.
O rexedor explica que o “ideal” sería que o Goberno Provincial entrase no capital da empresa con eses 3 millóns de euros. Unha boa fórmula que permitiría á Deputación e á provincia de Lugo “ter máis peso na xestión de Sargadelos e, desta maneira, defender que a raíz da factoría siga estando en Cervo” manifesta.
Unha medida, a de entrar no capital da empresa, que suxire o mandatario cervense pero que non é excluínte nin pecha as portas a outras posibles maneiras de aproveitar eses 3 millóns de euros. “O importante é defender Sargadelos como un ben cultural ao que están ligados moitos postos de traballos e moitas familias e, por suposto, que o proxecto cerámico que naceu nesta parroquia de Cervo siga aquí”.
Cabe destacar que o alcalde xa lle trasladou esta proposta ao comité de empresa na reunión mantida onte con eles.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partirán de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
