A Irmandade San Caetano e o Colectivo Cultural Ollomao colaboran co Proxecto Teatral Buxiganga da Área de Cultura da Deputación de Lugo na posta en marcha do ciclo de teatro “Escena en Barreiros”. Dende este domingo, 10 de novembro e en catro fins de semana continuadas terán lugar distintas representacións teatrais tanto do panorama aficionado como do profesiona. A primeira obra corre a cargo do grupo de teatro Nostrum Cai, coa obra “Radio Universo” e terá lugar no Centro Sociocultural de San Cosme de Barreiros este domingo ás 7 da tarde. O domingo 17, Ardora Teatro actuará á mesma hora en Celeiro de Mariñaos coa obra “Acernos” e neste mesmo lugar estará o sábado 23, ás 8 da tarde, a actriz Isabel Risco presentando “Nabiza Girl” e “Unha viaxe espazial”. O peche do ciclo terá lugar no Centro Social de Cabarcos o día 1 de decembro, ás 7 da tarde, da man do Grupo de Teatro de Ribadeo coa peza “Os putativos”. Todas as obras están dirixidas a todos os públicos e a entrada será gratuita.
Ciclo de teatro en Barreiros do 10 de novembro ao 1 de decembro
Relacionado
-
Falece un motorista en Lugo
-
O grupo dos maiores de Cervo Concilia fixo este mércores unha saída á praia para recoller tesouros naturais: cunchas, area, pedras e outros materiais especiais
-
O alumnado de 6º curso de Educación Primaria do Colexio Sagrado Corazón, de Ribadeo, celebrou cun evento o seu paso á ESO
Está a celebrarse do 1 ao 5 de xullo na piscina municipal o primeiro campus de verán de waterpolo, dirixido a deportistas federados que queren aprender e gozar deste deporte nun ambiente divertido e formativo, en colaboración coa FEGAN e que conta coa visita de profesionais deste deporte, que comparten a súa experiencia e coñecementos cos participantes.
O 112 Galicia recibiu o aviso ás 5:30 horas desta madrugada de martes. Cando sucedeu o accidente, a vítima estaba a traballar no servizo de recollida de lixo, na Rúa da Igrexa, en Ourol. Alí acudiu unha dotación de Urxencias Sanitarias de Galicia-061, quen deu a voz de alerta. Sen embargo, nada puido facerse por este traballador, do que avanzaban quedou inconsciente tras a caída do camión da recollida do lixo. Para apoiar as labores do equipo médico, desde o 112 Galicia, solicitouse a intervención dos axentes da Garda Civil e dos voluntarios de Protección Civil de Ourol.
Unha primeira xornada chea de risas, descubrimentos e moita calma da man de Rosa, e das súas acompañantes caninas Vilma e Tila. Todos os martes, de 12:00 a 13:00 h, haberá este espazo no que aprenderase a identificar, expresar e xestionar o que se sinte dentro do programa Enredando no verán. Está dirixido a nenos e nenas de 3 a 6 anos. Inscricións para o Taller de emocións na Casa da Cultura: casadacultura@concellodecervo.com, tel: 982 595 157.
Centos de persoas seguiron ao traballo das aloitadoras e aloitadores para rapar e identificar os cabalos baixados do monte dentro do curro, unha tradición que as ganderías de Santa María Maior manteñen xeración tras xeración. A xornada acolleu tamen unha degustación de hamburguesas de carne de poldro de Pura Raza Galega, encadrada dentro do programa de promoción de produtos de razas autóctonas Un gusto de rural, un rural degusto.
