Barreiros, 25 de novembro de 2013. A praza do Concello acolleu este mediodía unha concentración e a lectura dun manifesto no día internacional de eliminación da violencia contra as mulleres. Ademais gardouse un minuto de silencio por todas as mulleres que faleceron vítimas deste lacra ao longo deste ano.
Dende a Área de Igualdade e Servizos Sociais do Concello de Barreiros, animan a toda a cidadanía e ás institucións a unirse a este manifesto e plantexar xuntos un rexeite unánime e contundente á violencia de xénero.
O manifesto:
“Todos e todas debemos plantarlle cara á violencia que empobrece a nosa sociedade. Os malos tratos non son un tema privado, é un problema social que se combate con tolerancia cero.
A violencia de xénero constitúe unha lacra. Un atentado contra os dereitos humanos e a dignidade das persoas, que impide á nosa sociedade continuar avanzando pola senda do benestar e o progreso social.
Como cada día, como cada semana, como cada mes, como cada ano…como sempre, neste mesmo momento millóns de mulleres están sendo maltratadas física ou psicoloxicamente por outros tantos homes, en todo o planeta. E iso ocorre para vergoña de todos.
Debemos propoñer e fomentar modelos alternativos de convivencia baseados no respecto e a igualdade, asumindo compromisos:
– Considerarei que as persoas, homes e mulleres, somos iguais en dereitos, en capacidade de decisión, en oportunidades para elixir.
– Rexeitarei tódalas accións, comentarios ou chistes que trivialicen a discriminación da muller e que denigren a imaxe da muller.
– Analizarei criticamente os discursos sexistas e/ou violentos difundidos polos medios de comunicación.
– Promoverei unha educación igualitaria, no meu entorno máis próximo, apostando por xoguetes e xogos que acheguen e enriquezan a nenos e nenas e non perpetúen os roles discriminatorios.
– Serei libre de decidir a miña vida sen que ser home ou muller me impida elixir o que desexo, promovendo a eliminación de estereotipos.
– Resolverei os conflitos de forma non violenta.
– Participarei socialmente para erradicar estruturas sociais e mentalidades que perpetúen unha discriminación das mulleres na sociedade, traballando activamente pola igualdade.
Dende o Concello de Barreiros, asumimos o compromiso persoal de loitar contra todo tipo de violencia, denunciando as agresións, apoiando ás vítimas, non permanecendo en silencio ante a violencia e transmitindo ás xeracións futuras o respecto pola igualdade de mulleres e homes. Defendemos a idea dunha sociedade xusta e igualitaria, na que homes e mulleres poidamos participar equilibradamente en tódolos ámbitos e tomar conxuntamente decisións que nos afecten.
Desexamos que no futuro non haxa ningún motivo para conmemorar o día 25 de novembro como o Día Internacional de Eliminación de Violencia contra as Mulleres.
Que o teu silencio non te faga cómplice”.
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
