Ribadeo, 15 de novembro de 2013. A Consellería de Medio Ambiente, Territorio e Infraestruturas eliminou dous puntos de contaminación directa á ría de Ribadeo a través da mellora e construción, respectivamente, de sistemas de depuración en Porto e Reme, no concello ribadense. A delegada territorial da Xunta, Raquel Arias, visitou este venres a zona para inspeccionar as obras realizadas en ambos núcleos, que supuxeron un investimento conxunto de 79.369 euros.
Arias valorou o impacto ambiental desta actuación, xa que as augas residuais do núcleo de Porto vertían directamente na ría de Ribadeo e as de Reme facíano na desembocadura do río Grande, co que igualmente ían parar á ría.
“Esta intervención –afirmou a delegada- é importante dende o punto de vista da protección do ecosistema acuático e o mantemento da calidade ambiental nunha área sensible que, entre outros distintivos medioambientais, é zona de especial protección para as aves e Reserva da Biosfera”.
A delegada explicou que as obras enmárcanse no convenio entre a Xunta de Galicia e o Ministerio de Agricultura para a xestión e o desenvolvemento sostible da Reserva da Biosfera do Río Eo, Oscos e Terras de Burón.
As obras comezaron en agosto e tiveron un prazo de execución de dous meses. En Reme procedeuse á construción dun sistema de depuración mentres que en Porto reformouse case por completo a instalación, coa construción e acondicionamento dos colectores, instalación de condución eléctrica e das arquetas correspondentes e construción de dous pozos filtrantes.
A delegada estivo acompañada na visita polo alcalde de Ribadeo, Fernando Suárez Barcia, así como por técnicos da Consellería de Medio Ambiente, que explicaron os detalles da actuación. A Xunta entregará as depuradoras ao concello de Ribadeo para a súa xestión dentro da rede municipal de saneamento.
Esta actuación ven a complementar outros importantes investimentos realizados no concello en materia de abastecemento e saneamento, como a posta en marcha da nova Estación Depuradora de Augas Residuais (EDAR), que supón un investimento de 19,4 millóns de euros entre obra e explotación.
De feito, os orzamentos da Consellería de Medio Ambiente para o próximo ano contemplan unha partida de 820.000 euros para a explotación destas instalacións.
Igualmente, nos investimentos territorializados da Xunta consígnanse 400.000 euros para próximas actuacións no abastecemento do concello.
Outros proxectos para o 2014
En xeral, os orzamentos da Xunta para o vindeiro ano prevén un investimento de máis de 1,7 millóns de euros en proxectos concretos para o concello de Ribadeo, que haberá que sumar aos investimentos que se realicen dende partidas xerais.
Ademais das iniciativas citadas en materia de augas, a Xunta asigna 200.000 euros para o proxecto de construción dunha residencia ou 73.000 euros para accións de desenvolvemento sostible da costa, entre outros proxectos.
A delegada territorial afirmou que os orzamentos “reflicten o esforzo inversor da Xunta neste concello, financiando proxectos de mellora de infraestruturas ou de dinamización económica”. Ao respecto, lembrou que nos últimos anos rematáronse grandes proxectos, como a entrega de 30 vivendas sociais, nas que se investiu 2,7 millóns de euros.
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
