Foz, 21 de novembro de 2013. O alcalde de Foz, Javier Jorge Castiñeira, fixo este xoves balance das charlas sobre o plan urbanístico organizadas polo Concello nas parroquias coa participación de técnicos municipais, que remataron onte á noite. O rexedor destacou a elevada asistencia de público ás reunións, nas que se disiparon as dúbidas “creadas interesadamente polos grupos políticos que desinformaron aos veciños”.
“Unha vez rematadas as charlas informativas polas parroquias sobre o Plan Xeral de Ordenación Municipal, que está en exposición ao público no Concello de Foz, o balance é moi positivo; e proba diso é a multitudinaria asistencia por parte de veciños de todas as parroquias, entre elas a que se fixo onte en Cangas, onde houbo máis de cen cidadáns desa parroquia, que é a máis poboada de Foz despois do núcleo urbano con cerca de mil veciños”, manifestou Javier Castiñeira.
O alcalde destacou que as reunións foron “moi produtivas e por parte do grupo de goberno hai que felicitar aos técnicos municipais, que conseguen explicar o ordenamento dunha forma bastante sinxela e disipan todas esas dúbidas que outros grupos políticos van creando interesadamente, facendo desinformación do que é un Plan Xeral. A verdade é que quedamos contentos destas exposicións”.
Ademais Castiñeira anunciou que “agora queremos facer unha charla na zona urbana e quizás chegar tamén a algún barrio de Foz, como poden ser Marzán ou Vilaxoane. De todas formas os técnicos seguen a disposición de todos os veciños nas oficinas municipais durante todos os días para que poidan ver as súas cuestións particulares coas explicacións dos técnicos. Iso é o que nós fixemos sempre: aconsellar a todos veciños que se pasen pola Casa do Concello e que acudan aos técnicos municipais, que para iso están”.
O rexedor municipal engadiu que “o resto de informacións queda claro que son mal dirixidas por grupos políticos que queren que o Plan Xeral non se leve adiante, queren que siga a situación actual coa normativa do ano 81, queren facer política de desgaste, cando realmente o que se está a facer dende o equipo de goberno é política de responsabilidade sacando un Plan Xeral, algo que o Concello ten a obriga de facer, que xa debía estar listo hai tempo e que desgraciadamente non está e hai que retomalo. Polo tanto iso é o queremos facer, non quedarnos atrás e sacar adiante un documento que sexa o máis interesante posible e que fará de Foz un concello moderno no que se refire ao urbanismo”.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
