O pleno extraordinario celebrado este xoves en Burela é unha mostra máis, para o BNG, de que o PP está a usar as institucións ao servizo único e exclusivo dos seus intereses como partido, no canto de tomar decisións naqueles asuntos que realmente afectan aos veciños e veciñas de Burela, como a suba do lixo, o canon da auga, o IBI…
“O Sr. Alcalde está a usar os plenos municipais como instrumento para referendar as políticas antisociais que lle ditan desde o Goberno do Estado e desde a Xunta de Galiza, como puidemos comprobar no pleno da pasada semana, no que o PP aprobou a suba do canon de Sogama, que repercutirá no recibo do lixo que teñen que pagar todos os veciños e veciñas de Burela a partir do próximo ano. Mentres a propia Federación Galega de Municipios e Provincias ven de anunciar que solicitará á Xunta de Galiza medidas alternativas á suba prevista do canon de Sogama, o Alcalde de Burela quixo ir de abandeirado das políticas antisociais do PP e aprobar a suba xa a pasada semana”, recordan.
“Observamos tamén con certa preocupación como o Sr. González Barcia está collendo o costume de convocar por norma os plenos extraordinarios con carácter de urxencia, como o celebrado este mesmo xoves, que foi convocado con menos de 24 horas de antelación”, apuntan. En palabras de Mario Pillado, “o PP está a utilizar o pleno municipal como un instrumento ao servizo dos seus intereses partidistas, para facer campaña, esquecendo que a función principal do pleno non é outra que a de representar aos cidadáns e debater e tomar acordos naqueles asuntos que realmente afectan aos veciños e veciñas, e non para facer mitins do PP”.
Engadiu Pillado que “o Goberno Municipal non está lexitimado en absoluto para falar de emprego, pois desde que o PP chegou á Xunta de Galiza, destruíronse milleiros de postos de traballo en Galiza e na nosa comarca, como vimos de ver recentemente cos 41 despedimentos de Sargadelos e que se veñen somar aos centos de persoas afectadas polos peches de Mon, Gres Burela, Ecar, Hermida… Esta dramática situación tamén se está a dar noutros sectores estratéxicos para o noso País, como son o naval ou a pesca, que se están a ver seriamente agredidos polas nefastas políticas do PP”.
Por outra banda, “resulta sorprendente que o PP fale de criterios e bases en relación ao plan de emprego, cando o propio Goberno Municipal, do PP, ven de conceder subvencións públicas ás asociacións e colectivos de Burela, en concreto 25.000 €, sen ningún tipo de convocatoria pública nin bases que garantan os principios de transparencia e equidade, deixando fóra a numerosos colectivos que desenvolven unha importante actividade ao longo do ano”, segundo consideran.
“O pleno de hoxe é sen dúbida unha mostra máis de que o Sr. Alcalde está máis preocupado por contentar aos seus compañeiros de partido en Lugo, que por estar ao servizo dos veciños e veciñas, convocando plenos de urxencia para facer campaña e restando importancia a asuntos tan importantes como a ausencia de pediatras no Centro de Saúde de Burela. Cremos que este si que é un asunto de urxencia que afecta directamente á atención sanitaria infantil, e que o Sr. Alcalde debe exixir que se restableza integramente este servizo cos dous facultativos que ten asignados o Centro de Saúde”, conclúen os nacionalistas de Burela.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partirán de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
