Foz a 2 de novembro de 2013.- O Bloque Nacionalista Galego anunciou que o Mércores 6 de Novembro ás 20:30 na Casa da Cultura organiza unha charla informativa sobre os efectos que o PXOM vai ter no Concello de Foz, de xeito moi particular no que é a vila, e no que vai tomar a palabra o Portavoz Municipal dos nacionalistas, Xoán Carlos Basanta así como un arquitecto é un xurista que tentarán informar e clarificar aquelas dúbidas que lle poida xurdir aos presentes sobre o Plan.
Para o BNG de Foz un dos elementos centrais de discrepancia coa proposta de Plan Xeral presentado polo Goberno Municipal refírese aos criterios que se seguen á hora de clasificar o solo urbano como consolidado (SUC) ou non consolidado (SUNC). O BNG xa solicitará no anterior documento do plan que se revisarán a totalidade dos Polígonos e dos PERIS que desenvolven o SUNC porque constataba daquela, e agora tamén, que o plan clasifica de xeito distinto situación aparentemente semellantes.. Neste sentido, cómpre indicar que non se corrixe o reparo feito pola Dirección Xeral de Urbanismo da Xunta de Galiza no 2009 sobre o asunto cando di que “o plan non achega unha xustificación desta clasificación, polo menos unha descrición dos criterios empregados (máis alá da reproducción xeral dos principios da lexislación), co gallo de fundamentar o lexítimo exercicio da discrecionalidade na planificación urbanística”. Reparemos por exemplo en dúas vivendas colindantes no Camiño Vello que son tratadas de diverso xeito, unha delas é excluída da área de solo urbano non consolidado e por conseguinte clasificado como solar e a outra recebe a consideración de solo urbano non consolidado, pasa a quedar incluído no polígono e por conseguinte procederase ao derrube da mesma.
Con respecto a este aspecto, o Plan presentado fai repercutir o custe do mesmo naqueles que non tiveron a culpa da desfeita urbanística dos últimos anos en Foz. Para facernos unha idea do custe que terá para os veciños incluídos en algún dos polígonos do solo urbano poñer como exemplos o polígono da Mariña (detrás do antigo cine) no que uns poucos propietarios terán que aportar a cantidade de 387.000 euros, ou no polígono da Rúa Corporacións que dous ou tres propietarios -con vivendas afectadas- terán que poñer do seu peto 188.000 euros. Tamén son sorprendentes algúns polígonos de maior tamaño como o de Malates, onde a cantidade ascende a 839.000 euros con dúas vivendas afectadas. Outros que chaman a atención son os da Avenida de Viveiro en Marzán, con máis de 689.000 euros ou o da Rúa Carlos Maside (detrás da Praza de Galicia) con case 700.000 euros. Nas demais parroquias, os dous polígonos de Vilaronte ascenden a máis de 500.000 euros, o de Nois a 578.000 euros e os dous de Cangas a case 1.700.000 euros. En total o conxunto das áreas de solo urbano non consolidade teñen un custe para os veciños de 8.239.680 euros e a maioría teñen que executalos obrigatoriamente en oito anos, segundo a normativa do Plan.
“Esta é a realidade do Plan e desde o BNG intentamos dar toda a información e de forma veraz aos veciños sobre o mesmo, entre outras cousas porque o BNG non ten ningunha clase de interese urbanística nin de outra índole particular neste proxecto, cousa que non se pode dicir doutros”, afirma Basanta.
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
