O voceiro provincial socialista, Manuel Martínez, anunciou este luns que o grupo ó que representa na Deputación leva unha moción ó Pleno Provincial deste martes coa que esixe a Xunta e Goberno Central que paralicen “a inminente venda de NGB para seguir recuperando os case 10.000 millóns de euros de cartos públicos inxectados nesta entidade e asegurar o mantemento dos 4.300 postos de traballo que xera”.
Martínez subliñou que, segundo os últimos datos públicos, NGB xerou uns beneficios de 90 millóns de euros, cinco veces máis do previsto no plan de recapitalización, poñendo en manifesto que a entidade está funcionando, xa que é un proxecto “perfectamente viable”. “Se esta tendencia se mantén no tempo, é obvio que o valor de NGB no futuro será moito maior, facendo posible que o FROB, que achegou a esta entidade, exactamente, 9.853 millóns de euros de todos os contribuíntes, recupere estes cartos”, asegurou.
O Goberno Provincial rexeita á venda de NGB antes do 2017, que é o prazo fixado por Bruxelas, e mantén que atrasar a venda desta entidade ata entón ofrece posibilidades de recapitalización por parte dos empresarios galegos para garantir a súa territorialidade en Galicia, tanto da súa dirección, como da súa actividade bancaria, e para manter emprego.
Pola contra, o Goberno galego está de acordo co adiantou do proceso de venda de NGB, feito que suporía a destrución de traballo e a perda de preto de 8.400 millóns de euros, xa que só se chegarían a recuperar 1.500 millóns de euros, dos máis 10.000 millóns de euros inxectados. “É innecesaria a rapidez coa que se pretende saldar NGB. Feijóo debe explicar ós galegos o porqué da celeridade da venda e a que intereses responde, cando se perden cartos públicos e postos de emprego”, remarcou o voceiro.
Presuposto 2014
O Pleno debaterá a moción dos grupo provincial socialista, ó tempo que abordará o Presuposto da Deputación para 2014, dotado de 89 millóns de euros e coa creación de emprego como “máxima prioridade”. Deste xeito, o investimento directo para este fin é de 12,8 millóns de euros, subindo nun 90% en dous anos. Preto de 3 millóns de euros son para servizos sociais, partida que se reforza cos 15 millóns de euros para a rede de residencias e centro de día públicos na provincia. A institución achega 4,5 millóns de euros para rematar o primeiro centro público en España de recría de gando vacún e 7,4 millóns de euros para investimentos nos 67 Concellos lugueses. Con este Orzamento, que non baixa con respecto ó 2013, o organismo provincial segue a impulsar proxectos de futuro, ó tempo que garante contas saneadas, solventes e estables, manténdose á cabeza das Deputacións de España menos endebedada.
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
