O PP de Viveiro denuncia o “abandono que están sufrindo os veciños de Verxeles-Xunqueira e Magazos por parte do goberno municipal”

Varios veciños de Verxeles- Xunqueira e Magazos expresaron a este grupo o seu malestar e enfado polo abandono ao que o goberno municipal de Viveiro os ten sometido.

Os veciños destas zonas aseveran que desde fai más de ano e medio veñen sufrindo continuos cortes de auga, o que lles ocasiona unha serie de trastornos e incomodidades que non corresponden á calidade que veñen pagando por este servizo.

Esta situación agravouse co corte de subministro de máis de 24 horas os días 28 e 29 de novembro, o que irrita aínda máis a uns usuarios que pagan relixiosamente os seus recibos e, sen embargo, non son correspondidos coa mesma rigorosidade e eficiencia.

Estas frecuentes situacións son incómodas para todos os membros familiares, pero sobre todo para aquelas familias que teñen nenos ou persoas maiores, incluso con problemas de mobilidade, o que empeora aínda máis esta situación.

Desde o PP de Viveiro, esiximos ao goberno local máis celeridade na solución destes problemas ou, polo menos que explique aos usuarios, destes servizos cales son os motivos da demora en solucionar estas avarías, para que os veciños poidan facer as súas previsións, pois estes quéixanse de que non existe interlocutor municipal que lles dea algún tipo de explicación, situación por outra parte cotiá dado que son moitos os colectivos e cidadáns que manifestan o seu enfado e sorpresa que non haxa ninguén do goberno municipal a quen poidan dirixirse para expresar as súas suxestións ou reclamacións, o que por desgraza ven sucedendo con demasiada frecuencia.

Así, os populares manifestaron que “esperemos pois que cando esta nota vea la luz, o servizo de abastecemento de auga das zonas de Verxeles-Xunqueira e Magazos, estea xa restablecido e que no futuro as avarías sexan menos frecuentes e se reparen con maior celeridade”.