Mondoñedo, 14 de novembro de 2013- O Partido Popular de Mondoñedo levará unha moción á próxima sesión plenaria na que lle urxe ao equipo de goberno local (PSOE e BNG) que de maneira inmediata realice as xestións oportunas para arranxar as deficiencias existentes na obra da praza do Seminario, Rúa da Fonte e entorno da catedral.
Os populares rexistran esta iniciativa ao considerar “intolerante” a “incapacidade” do equipo de goberno á hora de reparar as patoloxías que presenta a infraestrutura e da que teñen constancia dende o equipo de goberno dende maio de 2012 a través dun informe técnico.
En concreto, dende o Partido Popular de Mondoñedo explican que as deficiencias que presenta esta localización se resumen en arquetas e elementos de pedra sen rexuntado adecuado que, por un defectuoso asentamento, materializáronse en desprendementos de pedras e en algúns casos na rotura deixando inservibles certas zonas da rúa.
A maiores as conexións eléctricas deixáronse realizadas de forma provisional, sen a realización do conseguinte proxecto de legalización preceptivo, sendo ditas instalacións, polo seu carácter provisional, imposibles de legalizar.
E de igual maneira, tamén se deixaron elementos do mobiliario urbano sen a preceptiva sinalización tales como bancos e similares, de forma que foron golpeados por vehículos e movidos do seu sitio.
Os populares denuncian que esta situación non implica só unha mala imaxe para o visitantes, senón que tamén un risco para as persoas e os vehículos despois de botar a perder preto de 200 millóns de pesetas en “deixar unha zona peor do que estaba”.
A falta de implicación do goberno local
Pese a ter constancia de que en marzo de 2012, a empresa abandona a obra, de forma unilateral, deixando traballos pendentes en execución de melloras, elementos de acabado e sinalización sen executar, así como defectos de execución en algunhas unidades de obra que, transcorrido o tempo materializáronse en patoloxías de certa embergadura; ao Partido Popular só lle consta que un ano despois (en maio de 2013) se aprobase a concesión ao contratista do prazo dun mes para que procedese a reparar as deficiencias.
Porén estas actuacións requiridas non se materializaron, explican os populares, e pese a que se solicite o aval por importe de 38.832,44 euros, nesta obra pérdese a contía de 142.458,64 euros, xa que os informes técnicos reflexan patoloxías (15.000) e melloras pendentes de executar (110.874,76), xunto a outros gastos xerais e impostos, por importe total de 181.291,08 euros.
A situación por si mesma amosa a falta de implicación dun goberno local que se amosa incapacitado de darlle solución a un feito que está a dificultar o día a día dos veciños da localidade e no que se investiu diñeiro para obter unha localización en peores condicións das que se atopaba antes de iniciar as obras.
Polo tanto, os populares úrxenlle ao equipo de goberno que de maneira inmediata leve a cabo accións contundentes que permitan, polo menos, arranxar as deficiencias que presenta o entorno despois desta obra e que aparecen recollidos nun informe técnico datado do 18 de maio de 2012.
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
