Presentadas as novas actividades do Clube Pequeamigos da Rede Museística de Lugo

Lugo, 2 de novembro de 2013. O delegado de Cultura e Turismo da Deputación de Lugo, o nacionalista Mario Outeiro, presentou xunto á xerente da Rede Museística, Encarna Lago, as novas actividades que se van desenvolver nos museos da rede destinados ao público infantil do clube “Pequeamigos” do Museo.

Achegámonos ao final de ano, e da man do Clube Pequeamigos da Rede repasamos o escrito nos últimos meses; páxinas de creatividade, de expresión, de diversión e de descubrimento na Rede Museística de Lugo. A programación outonal que se presenta para os meses de novembro e decembro de 2013 é unha proposta reformada e aberta, conformada por diversos obradoiros, cos que se pretenden xerar un acercamento das nenas e dos nenos ao museo e as súas coleccións, entendendo cada obradoiro como unha experiencia vivencial e enriquecedora en si mesma.

Desde a Rede Museística Provincial de Lugo apóstase por acercarnos ás comunidades do noso contorno co fin de que atopen nos nosos museos unha oportunidade para o diálogo e a colaboración. Queremos capacitar ás xeracións máis novas a acceder aos museos de maneira autónoma, a aprender das coleccións, que valoren, respeten e defendan o valor da cultura e o valor do noso patrimonio como medio e ferramenta para a construción de sociedades más xustas, solidarias e libres.

OBRADOIROS NO MPLUGO
»»» MARTES DE CREATIVIDADE»
Deconstruír a Arte
Todos os martes do 5 de novembro ao 17 de decembro de 2013
A través dunha selección de obras de arte, imos a analizar cómo están feitas: formas, cores, e sensacións que nos producen, para a continuación construír novas ideas e pezas. Deconstruír a arte como acto creativo.
– De 4 a 8 anos
– De 18:00 a 19:30 horas
– Nº prazas: 20

»»» XOVES DE CREATIVIDADE
» TIC-TAC Novas Tecnoloxías
Do 7 de novembro ao 19 de decembro de 2013
Achegarémonos ao mundo das novas tecnoloxías cun programa eminentemente práctico: animación, blogs, páxinas web, aplicacións para móbiles e programas de radio serán algúns dos aspectos sobre os que traballaremos e aprenderemos de maneira divertida.
– De 17:15 a 18:15 de 12 a 14 anos
– De 18:30 a 19:30 de 9 a 11 anos
– Nº prazas: 10/grupo

»»» SÁBADOS DE CREATIVIDADE
» Arquitecturas soñadas. Comunidades do futuro.
9 Novembro e 21 Decembro de 2013.
Adentarémonos no mundo da arte dende a arquitectura, adoptando unha nova perspectiva: ángulos prohibidos, descoñecidos e soñados. En esencia, unha maneira divertida e creativa de ver o mundo.
– De 4 a 12 anos
– De 12:00 a 13:30
– Nº prazas: 20

» Deseños de Cerámica
16 de novembro de 2013
Veremos a evolución da cerámica presente no museo; dende pezas da prehistoria ata pezas da colección de Sargadelos, converténdonos en deseñadores.
– De 8 a 12 anos
– De 12:00 a 13:30 horas
– Nº prazas: 20

» Iniciación ao Gravado
23 de Novembro de 2013
Da man dos gravadores presentes nas salas do museo, coñeceremos as técnicas e ferramentas de gravado e teremos unha experiencia práctica facendo unha estampación en linóleo.
– De 8 a 12 anos
– De 12 a 13:30 horas
– Nº prazas: 20

» Monicreques30 de novembro de 2013
Con paos, teas e fíos converterémonos en titiriteiros, creando a Francis, a mascota do Museo provincial de Lugo que ten moitas historias que contarnos.
– De 4 a 7 anos
– De 12:00 a 13:30
– Nº prazas: 20

» A máquina do tempo
7 de decembro de 2013
Percorreremos a evolución da ourivería, descubrindo xoias que marcan distintas épocas e realizaremos a nosa propia composición.
– De 8 a 12 anos
– De 12:00 a 13:30 horas
– Nº prazas: 20

» Molde-ARTE
14 de decembro de 2013
Realizaremos diversas figuras e formas empregando diferentes tipos de materiais (barro, pasta de modelar) e ferramentas (espátulas, as propias mans, etc.)
– De 8 a 12 anos
– De 12:00 a 13:30 horas
– Nº prazas: 20