Este venres 15 de novembro terá lugar a partires das once da noite o terceiro Campañazo do mes de novembro, que organiza ACIA Foz e no que se porán en xogo outros 600 euros en vales de compra, 300 para o primeiro que cante o bingo e outros 300 para o resto dos cartóns premiados. Mar Castro foi a gañadora do pasado sorteo celebrado o 8 de novembro. Cantou o Campañazo no bar O Chícaro e levou 300 euros en vales de compra, que lle foron entregados este mércores por parte de membros da directiva de ACIA Foz. Outras seis persoas resultaron agraciadas con 50 euros en vales de compra cada unha. Todos os afortunados reuníronse para facer a foto de familia.
Bruno Arca, alumno de 1º Ciclo Medio de Cociña, acadou un 4º posto no Combiguru Challenge celebrado en Venecia os días 8 e 9 de maio. O concurso consiste en realizar unha serie de probas na APP da compañía, famosa polos seus fornos. Os seleccionados van a Venecia para participar no concurso no cal teñen que preparar un prato e unha sobremesa durante tres horas, sempre empregando os fornos da marca. Os dous días de concurso inclúen visitas guiadas pola cidade de Venecia e formacións con cociñeiros de prestixio como Paolo Casagrande, do Restaurante Lasarte de Barcelona con tres estrelas Michelin.
O viveirense será adxunto a presidencia e asesor do suízo Phip Waeffler no comité técnico internacional de Pentatlón Moderno para os vindeiros catro anos e co visto e prace da UIPM, onde se desempeña como Oficial de Operacións de Eventos e programa de formación de adestradores dentro da Unión.
O conselleiro do Mar visitou este venres a Feira Náutico Pesqueira que se celebra ata o sábado.
Este xoves recibíuse unha comunicación da Casa Real, felicitando pola consecución da Copa da Raíña 2025.
