Os internacionais laranxas Antoñito e Matamoros regresaron este martes ao traballo do CD Burela FS Pescados Rubén tras a emocionante despedida da Selección Española ao xogador de ElPozo Murcia Kike Boned no amigable ante Grecia, en Murcia. “Foi un honor asistir á homenaxe dun xogador dunha traxectoria tremenda; foi un partido moi especial” coincidían en expresar ambos os xogadores burelistas logo da impoñente vitoria da Vermella (14-2) ante os helenos.
Matamoros regresou á Mariña como un dos máximos artilleiros da goleada, con hat-trick, xunto ás catro dianas de Miguelín e Raúl Campos e as guindas de Álex, José Ruiz e Ortiz. “En Murcia viviuse unha festa do fútbol sala, aínda que tomándonos moi en serio o encontro e o rival. Foi un bo partido, no que mantivemos a concentración en todo momento; proba diso foi o resultado” analizaba o 10 laranxa, especialmente orgulloso do seu acerto finalizador: “É o segundo da miña traxectoria con España; o primeiro foi contra Guatemala. Estou moi contento, hai que aproveitar ao máximo as oportunidades porque hai moita competencia e quero complicar a decisión de Venancio” explicaba Mata.
Xa inmersos na preparación burelista para recibir o sábado ao Colegios Arenas Gran Canaria (Vista Alegre, 18.30 horas), Antoñito e Matamoros móstranse máis enchufados aínda se cabe na dinámica da liga. “O noso traballo con Burela está tendo dobre recompensa, non só os resultados nos están empezando a acompañar senón que tamén está servindo para que o seleccionador nacional se fixe en nós” aseguraba Antoñito, coa esperanza de que o seu nome volva soar na convocatoria da Vermella sen deixar pasar moito tempo.
Ficha técnica
España: Juanjo, Kike, Adri, Miguelín e Álex. Tamén xogaron José Ruiz, Borja, Matamoros, Pola, Ortiz, Raúl Campos, Antoñito e Rafa (ps).
Grecia: Achis, Kouvaras, Mourdoukoutas, Artinos e Mans. Tamén xogaron Kondylatos, Grayfillias, Katevstsian, Konstantinou, Panou, Delaportas, Raptis, Asimakopoulos e Theofilou (ps).
Árbitros: Fortes e Martínez (murcianos)
Goles: 1-0 2’ Álex. 2-0 4’ Miguelín. 3-0 5’ Matamoros. 4-0 16’ Miguelín. 5-0 19’ Raúl Campos. 6-0 20’ Matamoros. 7-0 20’ Raúl Campos. 7-1 23’ Mourdoukoutas. 8-1 27’ Matamoros. 9-1 31’ José Ruiz. 10-1 32’ Ortiz. 10-2 35’ Mourdoukoutas. 11-2 36’ Miguelín, dp. 12-2 37’ Raúl Campos. 13-2 39’ Raúl Campos. 14-2 39’ Miguelín
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
