Lugo, 12 de decembro de 2013. Este xoves presentouse na mosqueira da muralla de Lugo o partido internacional que a selección galega de fútbol disputará en Lugo este 28 de decembro. O vicepresidente nacionalista da Deputación, Antonio Veiga, participou na presentación que contou coa participación tamén de representantes de Seareiras Galegas, responsábel da organización do enfrontamento e os actos que arredor do encontro se celebran, e tamén de representantes de numerosos colectivos que apoian a celebración deste partido.
Antonio Veiga afirmou que “é un feito importantísimo para Lugo que este ano se celebre aquí o partido da nosa selección. De todos é sabido os motivos polos que o PP deixou de apoiar a partir do 2009 este evento. Detrás da escusa económica, o certo é que o PP mostrou a súa faceta máis ideolóxica e reaccionaria, e que aínda mantén, de destruír todo o que teña que ver co noso pobo, e así negou o apoio económico para a organización no Nadal dos partidos das seleccións galegas e comezou a presionar e poñer trabas para que estes partidos non se levasen a cabo”.
Veiga aseguro que “nós cremos en que Galiza merece, ao igual que outros países do Estado, poder gozar dunha representación de deportistas que defendan a camisola coa súa bandeira, como desexan milleiros de galegos e galegas, e por iso apoiamos que este ano sexa Lugo a cidade que acolla o partido da selección. Isto vai servir, nunha cidade coma Lugo na que o fútbol vive un momento de esplendor que agardemos que non sexa pasaxeiro, para demostrarlle ao Partido Popular que a política extremista e negadora do noso país non ten futuro, que hai xente boa e xenerosa que quere ter unha selección de seu, competir coa camisola do seu país e coa bandeira coa que se sinte identificada”.
“Por isto ofrecemos o noso total apoio a Seareiras Galegas para a organización do partido da selección galega en Lugo, que ademais irá revestido doutras actividades como un aberto de billarda, concertos de grupos galegos, un xantar popular e tamén unha manifestación previa para reclamar a oficialidade das nosas seleccións” – concluíu Veiga.
O partido da selección galega fronte á de Occitania disputarase o vindeiro 28 de decembro ás 8 da tarde no campo do Polvorín. Os actos desa xornada comezarán coa celebración dun xantar popular no parque de Rosalía, ao que seguirá a disputa dun aberto de billarda, para logo ás 6 da tarde dar paso a unha manifestación pola oficialidade das seleccións galegas que partirá da Praza Maior e rematará no campo de fútbol do Polvorín, onde se disputa o partido ás 8. A xornada rematará cos concertos dos grupos galegos A Quenlla, Nao, Sem Resposta e Liska na explanada do Parque de Rosalía de Castro a partires das 10 e media da noite.
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
